ديماشتىڭ جانكۇيەرلەرى سۋ تاسقىنىنان زارداپ شەككەن برازيليالىقتارعا كومەكتەستى

نۇر- سۇلتان. قازاقپارات - ديماش قۇدايبەرگەننىڭ فان- كلۋبى برازيليادا سۋ تاسقىنىنان زارداپ شەككەن وتباسىلارعا ازىق- تۇلىك تاراتتى، دەپ حابارلايدى قازاقپارات dimashnews كە سىلتەمە جاساپ.

ديماش قۇدايبەرگەننىڭ برازيلياداعى فان- كلۋبى سۋ تاسقىنىنان زارداپ شەككەن ادامدارعا كومەك كورسەتۋ ءۇشىن ماۋسىم ايىندا قايىرىمدىلىق اكسياسىن باستاعان. ولار ءبىر اپتا ىشىندە 1450 رەال (130500 تەڭگە) جيناپ، ازىق- تۇلىك پەن ءبىرىنشى قاجەتتىلىكتەگى قۇرالدار ساتىپ الادى.

3-شىلدەدە فان- كلۋب مۇشەلەرى ياسميم گابريەللي مەن زورايا الۆەس پەرنامبۋكۋ شتاتىنىڭ يگاراسۋ قالاسىنداعى 26 وتباسىنا كومەك سەبەتتەرىن تاپسىردى. ءانشىنىڭ جانكۇيەرلەرى مۇقتاج جاندارعا قامقورلىق جاساۋ بۇدان بىلاي دا جالعاساتىنىن ايتادى. ايتا كەتەيىك، برازيليادا سۋ تاسقىنى مەن كوشكىن سالدارىنان 106 ادام قازا تاپقان بولاتىن.