ەلەنا رىباكينا ءوزىن «رەسەيدىڭ دايىن ءونىمى» دەيتىندەرگە جاۋاپ بەردى

«قازاقستانعا اۋىسقاندا مەن يۋنيور بولدىم. يۋنيوردى دايىن ءونىم دەپ ايتۋعا بولمايدى. ونىڭ ۇستىنە يۋنيوردان كاسىبي دەڭگەيگە ءوتۋ وتە قيىن. ول ءۇشىن جاقسى كوماندا بولۋ كەرەك. كاسىبي سپورتقا كوشىپ، ودان ءارى ءساتتى جالعاستىرۋ ەكىنىڭ ءبىرىنىڭ قولىنان كەلمەيدى. ساناۋلى ادام عانا شىڭعا شىعا الادى. بۇل تۇرعىدا ماعان ءساتى ءتۇستى. سوندىقتان دايىن ءونىم دەگەنمەن كەلىسپەيمىن»، - دەدى ەلەنا رىباكينا ەلوردادا وتكەن باسپا ءسوز ءماسليحاتىندا.
سونداي- اق، تىلشىلەر سپورتشىدان بولاشاقتا رەسەيگە قايتا ورالۋى مۇمكىن بە دەگەن ساۋالعا جاۋاپ بەردى.
«قازىر ايتا المايمىن. بيىل رەسەيدە ەشقانداي تۋرنير جوسپارلانىپ جاتقان جوق. مەن رەسەيدىڭ اتىنان وينايمىن با ونى جاعداي كورسەتەدى. ياعني ءبارى جوسپارعا بايلانىستى. ءدال قازىر ءيا، جوق دەپ ايتا المايمىن»، - دەيدى ول.
ايتا كەتەيىك، بۇعان دەيىن سپورتشى «مەن قازاقستان ازاماتىمىن»، - دەپ ءمالىم ەتتى. سونداي- اق، ۋيمبلدون - 2022 ءتۋرنيرىنىڭ جەڭىمپازى جارىستان العان سىياقىنىڭ ءبىر بولىگىن جانۋارلاردى قورعاۋعا جۇمسايتىنىن ايتتى. ودان بولەك، ەلەنا رىباكينا قازاقستاننىڭ اتىنان ونەر كورسەتۋىنە قاتىستى پىكىر ءبىلدىردى.