كوروناۆيرۋس پاندەمياسى كەزىندە قازاقستاندىقتار قانداي قيىندىقتارعا تاپ بولدى
بۇل تۋرالى بۇگىن ەلوردادا دەنساۋلىق ساقتاۋ سالاسىنداعى حالىقارالىق زەرتتەۋدىڭ ناتيجەسىن تانىستىرۋ كەزىندە ايتىلدى، دەپ حابارلايدى قازاقپارات ءتىلشىسى.
وسى زەرتتەۋدى 15 ەلدە STADA فارماتسيەۆتيكالىق كومپانياسى جۇرگىزگەن. بۇل زەرتتەۋ جىل سايىن ەۋروپانىڭ ەلدەرىندە وتكىزىلەتىن. ال بيىل وسى ساۋالناماعا قازاقستان دا ەنگىزىلدى. بيىل زەرتتەۋ اياسىندا 30 مىڭنان استام ادام ساۋالناماعا قاتىسىپ، ولاردىڭ اراسىندا ەكى مىڭنان استام قازاقستان ازاماتى بولدى.
«سوڭعى ەكى جىل ىشىندە الەم ەلدەرى دەنساۋلىق ساقتاۋ جۇيەسىنىڭ جۇمىسى قيىنداي ءتۇستى. بۇل تۇرعىدا قازاقستاندىق رەسپوندەنتتەردىڭ 58 پايىزى جانە ساۋالناماعا قاتىسقان ەۋروپالىقتاردىڭ 57 پايىزى پاندەميا كەزىندە ەم- دوم الۋدا قيىندىقتارعا تاپ بولعانىن اتاپ وتكەن. قازاقستاندىقتاردىڭ 30 پايىزى (ەۋروپا بويىنشا ورتاشا كورسەتكىش%22) دارىگەرگە دەر كەزىندە جازىلا الماعانىن ايتىپ وتىر»، - دەلىنگەن زەرتتەۋ مالىمەتىندە.
سونىمەن قاتار، ساۋالناما كەزىندە قامتىلعان قازاقستان ازاماتتارىنىڭ 28 پايىزى جەتكىزۋدەگى ىركىلىستەرگە بايلانىستى ءدارىحانادا قاجەتتى ءدارى- دارمەكتەردى تابا الماعاندارىن اتاپ ءوتتى. ال وسى ماسەلەدە ەۋروپا بويىنشا ورتاشا كورسەتكىش 10 پايىزدى قۇرادى.
«قازاقستان تۇرعىندارىنىڭ 12 پايىزى جانە ەۋروپالىقتاردىڭ 22 پايىزى اۋرۋدى جۇقتىرىپ الۋدان قورقىپ، دارىگەرگە بارۋدى كەيىنگە قالدىرعان»، - دەلىنگەن زەرتتەۋ دەرەكتەرىندە.
مۇنىمەن قوسا، ساۋالناماعا قاتىسقان قازاقستان ازاماتتارىنىڭ 68 پايىزى ۆەب- كامەرا ارقىلى دارىگەر كەڭەسىن الۋعا كەلىسەتىنىن اتاپ وتكەن. بۇل ءوز كەزەگىندە ورتاشا ەۋروپالىق كورسەتكىشتەن %64 اسىپ ءتۇستى. بۇدان بۇرىن حابارلانعانداي، اتالعان زەرتتەۋ اياسىندا قازاقستان ازاماتتارىنىڭ 61 پايىزى رەسمي مەديتسيناعا سەنەتىنىن ايتقان.
