قازاقستان يران ارقىلى پارسى شىعاناعىنا شىعا الادى - كولىك كوميتەتى

نۇر- سۇلتان. قازاقپارات - ورتالىق كوممۋنيكاتسيالار قىزمەتىندە وتكەن بريفينگىدە ق ر كولىك كوميتەتى ءتوراعاسىنىڭ مىندەتىن اتقارۋشىسى قاسىم تىلەپوۆ جۇك تاسىمالىنداعى يران باعىتىنىڭ الەۋەتىنە توقتالدى، دەپ حابارلايدى قازاقپارات ءتىلشىسى.

«يران باعىتىنىڭ الەۋەتىن قازىر 19 پايىز كولەمىندە عانا پايدالانىپ وتىرمىز. سوندىقتان بۇل مارشرۋتتى قولدانۋدا ۇلكەن الەۋەت بار. بۇل ءبىزدىڭ پارسى شىعاناعىنا شىعۋىمىزعا مۇمكىندىك بەرەدى. پارسى شىعاناعى ارقىلى ءۇندىستانعا، ودان ءارى اشىق تەڭىز جولدارىمەن ەۋروپا نارىعىنا وتۋگە بولادى. ونىڭ ۇستىنە وتكەن ايدا عانا مەملەكەت باسشىسى يراندا بولدى. سول كەزدە كونتەينەر تاسيتىن پويىز دەمونستراتسيالىق ساپار جاسادى. قازاقستان. تۇرىكمەنستان، يران اۋماقتارىن باسىپ وتكەن بۇل پويىز تۇركياعا تىكەلەي شىقتى. بۇل دا الەۋەتى جاقسى ماشرۋتتاردىڭ ءبىرى»، - دەدى ۆەدومستۆو باسشىسى.

سونداي- اق، ول قازاقستاننىڭ ورتالىق ازياداعى ەڭ نەگىزگى كولىك- لوگيستيكالىق حابقا اينالاتىن مۇمكىندىگى بار ەكەنىن ەسكە سالدى.

«بۇلاردىڭ بارىندەگى نەگىزگى جوسپارىمىز - قازاقستاندى ورتالىق ازيانىڭ باستى كولىك- لوگيستيكالىق حابىنا اينالدىرۋ. ول ءۇشىن بۇكىل العىشارتتار بار. كولىك ينفراقۇرىلىمىنىڭ قاڭقاسى قۇرىلعان. قازىر سول الەۋەتتى كۇشەيتىلگەن رەجيمدە كەڭەيتۋ كەرەك»، - دەدى قاسىم تىلەپوۆ. ەسكە سالساق، ق ر پرەزيدەنتى قاسىم- جومارت توقايەۆ مۇناي تاسىمالداۋدا ترانسكاسپي باعدارىن دامىتۋدى تاپسىرعان ەدى.

اۆتور: ەسىمجان ناقتىباي