الماتىدا جابىق عيماراتتار مەن قوعامدىق كولىكتە ماسكا تاعۋ ۇسىنىلدى
بۇل تۋرالى الماتى قالاسى اكىمدىگىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.
الماتى كوروناۆيرۋس ينفەكسياسىنىڭ تارالۋى بويىنشا «سارى» ايماققا وتكەندىكتەن، سانيتارلىق شارالار كۇشەيتىلەدى.
- ناۋقاسپەن جاقىن بايلانىستا بولعان ادامداردى قاشىقتان جۇمىس ىستەۋ تۇرىنە اۋىستىرۋ؛
- ۆاكسيناتسيالانۋعا ابسوليۋتتىك قارسى كورسەتىلىمدەرى بار قىزمەتكەرلەردى جانە جۇكتى ايەلدەردى قاشىقتان جۇمىس ىستەۋگە اۋىستىرۋ؛
- جابىق مەكەمەلەردە، قوعامدىق كولىكتە بەتپەردە كيۋ؛
- 10 نان استام ادامنىڭ قاتىسۋىمەن وتەتىن كەڭەستەردى ونلاين- فورماتقا كوشىرۋ ۇسىنىلادى.
ايتا كەتەيىك، ازىرگە بەتپەردەنى تاعۋ ۇسىنىس قانا.
ەسكە سالايىق، 4-شىلدە كۇنى الماتى قالاسىنىڭ باس مەملەكەتتىك سانيتاريالىق دارىگەرى قاسىمحان الپىسباي ۇلىنىڭ كوروناۆيرۋس ينفەكتسياسىنىڭ تارالۋىنىڭ الدىن الۋ جونىندەگى شارالار تۋرالى جاڭا قاۋلىسى شىققان بولاتىن.
