قازاقستان كاسپيدە ءوزىنىڭ پاروم فلوتىن سالماقشى
بۇل تۋرالى ورتالىق كوممۋنيكاتسيالار قىزمەتىندە وتكەن بريفينگىدە ق ر يندۋستريا جانە ينفراقۇرىلىمدىق دامۋ مينيسترلىگى كولىك كوميتەتى ءتوراعاسىنىڭ مىندەتىن اتقارۋشىسى قاسىم تىلەپوۆ ايتتى.
«قازىرگى تاڭدا اقتاۋ پورتىنداعى ءبىزدىڭ ينفراقۇرىلىمنىڭ وتكىزۋ قابىلەتى 21 ميلليون تونناداي بولادى. بۇل باعىتتا جۇكتىڭ كەز كەلگەن ءتۇرىن تاسىمالداي الامىز. سونداي- اق، ءبىزدىڭ ءوزىمىزدىڭ ساۋدا فلوتىمىز بار. ناقتىراق ايتساق، 4 قۇرعاق جۇك تيەۋىشىمىز بار. قازىر بۇل جۇك تيەۋىشتەر كاسپيي تەڭىزىندە جۇمىس ىستەپ ءجۇر»، - دەگەن كوميتەت وكىلى جىل اياعىنا دەيىن «قازتەڭىزكولىك فلوتى» ۇلتتىق تەڭىز تاسىمالداۋشىسى تاعى 2 كونتەينەر تاسىمالداۋشى ساتىپ الاتىنىن اتاپ ءوتتى.
ونىڭ سوزىنە قاراعاندا، قازىر كاسپيدە قۇرعاق جۇك تاسىمالداۋ ىسىندە ازەربايجاننىڭ مونوپولياسى ورناعان.
«جالپى ءوزىمىزدىڭ پاروم فلوتىمىزدى سالساق دەگەن نيەتىمىز بار. ۇزاق مەرزىمدى كەلەشەكتە كونتەينەر تاسىمالداۋشى پارومداردىڭ سانىن 10 عا دەيىن جەتكىزسەك دەگەن جوسپارىمىز بار. قازىر كاسپيدە ازەربايجان پوروحودتارى مونوپوليا ورناتقان»، - دەدى قاسىم تىلەپوۆ.
ەسكە سالساق، ق ر پرەزيدەنتى قاسىم- جومارت توقايەۆ مۇناي تاسىمالداۋدا ترانسكاسپي باعدارىن دامىتۋدى تاپسىرعان ەدى.
