تۇركىستان وبلىسىنىڭ تۇرعىندارى ەكى قاپ ەسىرتكىمەن ۇستالدى
ەسىرتكىنى زاڭسىز تاسىمالداعانى ءۇشىن تۇركىستان وبلىسىنىڭ ەكى تۇرعىنى ۇستالدى. اۆتوكولىك جۇرگىزۋشىسىنىڭ ايتۋىنشا، ۇستالعاندار ونى inDriver قوسىمشاسى ارقىلى تاكسي جۇرگىزۋشىسى رەتىندە لۋگوۆوي اۋىلىنا دەيىن الىپ بارۋ ءۇشىن جالداعان. ساراپتاما ناتيجەسى بويىنشا تاركىلەنگەن زات سالماعى 10,5 كەلى بولاتىن كەپتىرىلمەگەن ماريحۋانا ەكەنى انىقتالدى. كۇدىكتىلەر جامبىل وبلىسىنىڭ ۋاقىتشا ۋستاۋ يزولياتورىنا قامالدى. وسى فاكتىگە بايلانىستى ق ك 296-بابىنىڭ 4-بولىگى بويىنشا سوتقا دەيىنگى تەرگەپ- تەكسەرۋ باستالدى (اسا ءىرى مولشەردەگى ەسىرتكى, پسيحوتروپتىق زاتتاردى، سول تەكتەستەردى وتكىزۋ ماقساتىنسىز زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ). جازا ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋدى كوزدەيدى. ەگەر ەسىرتكىنى ساقتاۋ جانە تاسىمالداۋ، وتكىزۋ ماقساتىنداعى فاكتى تەرگەۋمەن دالەلدەنسە، وندا مۇلكى تاركىلەنىپ، جازا ون جىلدان ون بەس جىلعا دەيىن باس بوستاندىعىنان ايىرۋدى قۇرايتىن بولادى.
«اعىمداعى جىلعى 1-ماۋسىمنان باستاپ «قاراسورا» ارنايى وپەراتسياسى كەزىندە پوليسيا قىزمەتكەرلەرى تەمىرجول كولىگىندە 44 ەسىرتكى قىلمىسىن انىقتادى. ولاردىڭ ىشىندە اسا ءىرى مولشەردە ەسىرتكى وتكىزۋدىڭ ءۇش فاكتىسى، كونتراباندانىڭ ءبىر فاكتىسى جانە اسا ءىرى مولشەردە ەسىرتكى ساقتاۋدىڭ ەكى فاكتىسى بار»، - دەدى كولىكتەگى پوليسيا دەپارتامەنتى باستىعىنىڭ ورىنباسارى ەرلان جالماعامبەت.
