«قازاقستان بارىسىنا» قىزىلوردادان ەكى بولمەلى پاتەر سىيعا بەرىلدى
«قازاقستان بارىسى-2022» ءتۋرنيرىنىڭ جەڭىمپازى ماقسات يساعابىلوۆ وبلىس اكىمى نۇرلىبەك نالىبايەۆتىڭ قابىلداىندا بولدى.
«الداعى ۋاقىتتا «التىن بەلبەۋ» مەن «التىن تايتۇياقتى» سىر وڭىرىنە تاعى دا 2-3 مارتە اكەلسەم دەگەن ماقساتىم بار. سونداي- اق، «الەم بارىسى» اتانۋعا ۇمىتتەنەمىن. تۋعان توپىراقتىڭ ابىرويىن اسقاقتاۋ ءۇشىن بار كۇش- جىگەرىمدى جۇمسايمىن»، - دەدى ماقسات يساعابىلوۆ.
كەزدەسۋدە وبلىستىق ءماسليحات حاتشىسى ناۋرىزباي بايقاداموۆ، وبلىستىق ارداگەرلەر كەڭەسىنىڭ ءتوراعاسى سەرىك دۇيسەنبايەۆ پەن وبلىستىق قوعامدىق كەڭەس ءتوراعاسى ءارىپ حوجبانوۆ ىزگى تىلەكتەرىن ارنادى.
ەسكە سالساق، قىزىلوردالىق ماقسات يساعابىلوۆ «قازاقستان بارىسىنىڭ» جەڭىمپازى اتانعان بولاتىن. ول 1994 -جىلدىڭ 17 -قاراشاسىندا قىزىلوردا وبلىسىندا دۇنيەگە كەلگەن. بويى - 184 سانتيمەتر، سالماعى - 120 كەلى.
