ەندى جاس بۋىننىڭ دامۋىنا مەنىڭ كومەكتەسەتىن كەزەگىم - ەلەنا رىباكينا
بۇل تۋرالى ول ۇكىمەت باسشىسى ءاليحان سمايىلوۆپەن كەزدەسۋى بارىسىندا ايتتى، دەپ حابارلايدى قازاقپارات ق ر پرەمەر- ءمينيسترىنىڭ رەسمي سايتىنا سىلتەمە جاساپ.
«مەنىڭ ويىمشا، تۋرنير ۇيىمداستىرعان نەمەسە جاس ويىنشىلارعا گرانت تاعايىنداعان دۇرىس بولادى. سەبەبى، مەن مۇندا زور قولداۋعا يە بولدىم. ەندى جاس بۋىننىڭ دامۋىنا مەنىڭ كومەكتەسەتىن كەزەگىم»، - دەدى ەلەنا رىباكينا.
سونداي-اق، سپورتشى قايىرىمدىلىق پەن يۋنيورلاردى قولداۋدان بولەك، قاراجاتتىڭ ءبىر بولىگىن جانۋارلارعا كومەكتەسۋگە جۇمساۋدى جوسپارلاپ وتىر. بۇعان دەيىن حابارلاعانىمىزداي، مەملەكەت باسشىسىنىڭ جارلىعىمەن سپورتتاعى اسا ۇزدىك جەتىستىكتەرى جانە حالىقارالىق ىنتىماقتاستىقتى دامىتۋعا قوسقان ۇلەسى ءۇشىن قازاقستان رەسپۋبليكاسى مادەنيەت جانە سپورت مينيسترلىگىنىڭ «سپورتتى دامىتۋ ديرەكتسياسى» ر م ق ك سپورتشى- نۇسقاۋشىسى ەلەنا اندرەيەۆنا رىباكينا Ⅱ دارەجەلى «دوستىق» وردەنىمەن ماراپاتتالدى.
ۋيمبلدون تۋرنيرىندە تاريحي جەڭىسكە جەتكەن قازاقستاندىق تەننيسشى ەلەنا رىباكيناعا II دارەجەلى «دوستىق» وردەنىن ق ر پرەمەر-ءمينيسترى ءاليحان سمايىلوۆ تابىستادى.
قازاقستاننىڭ ءبىرىنشى، الەمنىڭ 23-راكەتكاسى ەلەنا رىباكينا العاش رەت ۋيمبلدون تۋرنيرىنىڭ چەمپيونى اتانعان بولاتىن. پرەزيدەنت قاسىم-جومارت توقايەۆ ەلەنا رىباكينانى تاريحي جەڭىسىمەن قۇتتىقتاپ، حالىقارالىق ارەنادا ەلىمىزدىڭ ابىرويىن اسقاقتاتقانى ءۇشىن العىس ايتتى.
ۋيمبلدون چەمپيونى ەلەنا رىباكينا بارشا جانكۇيەرلەرىنە العىسىن جەتكىزىپ، قازاقستانعا قايتاتىنىن ايتتى. استانالىقتار ۋيمبلدون-2022 چەمپيونى ەلەنا رىباكينانى اۋەجايدان قارسى الدى.
