پسيحولوگ وتباسىلىق جانجال تۋدىرمايتىن بەس ءادىستى ايتتى
پسيحولوگتىڭ ايتۋىنشا، جانجال تۋدىرمايتىن ءبىرىنشى ءادىس - جاۋاپكەرشىلىك.
«وزىڭىزدەن جانجال نەدەن تۋىنداعانىن، قانداي پايدا اكەلەتىنىن سۇراڭىز. جانجالدىڭ جاسىرىن سەبەبى تابىلسا، جاعدايدى تۇزەتۋگە بولادى جانە سەرىكتەسىڭىزبەن جاقسى قارىم- قاتىناس ورناتا الاسىز»، - دەيدى پسيحولوگ.
ساراپشىنىڭ ەكىنشى كەڭەسى - ءبىر- بىرىمەن باسەكەلەسۋگە نەمەسە رولدەردى وزگەرتۋگە تىرىسپاي تەپە- تەڭدىكتى ساقتاۋ.
ۇشىنشىدەن، سەرىكتەستەن انانى نەمەسە اكەنى ىزدەمەۋ كەرەك، بۇل رەنىش پەن جانجالعا اكەلەدى.
«انامىزعا نەمەسە اكەمىزگە بالا كەزدەن جينالعان رەنىشتەرىمىز بولۋى مۇمكىن. وسى سەبەپتى جەتكىلىكتى قامقورلىق جاسامادى، سۇيىسپەنشىلىك تانىتپادى، ءبىزدى جاقسى قورعامادى دەپ رەنىشىمىزدى ايتىپ باستايمىز. مۇندايدان سانالى تۇردە باس تارتۋ كەرەك»، - دەدى پسيحولوگ.
پسيحولوگتىڭ ايتۋىنشا، ءتورتىنشى سەبەپ ءبىر- ءبىرىن كىنالاپ، اۋىر سوزدەر ايتۋ. سوندىقتان جانجال كەزىندە جۇبىڭىزبەن «مەن- كونسەپتسياسى» ارقىلى سويلەسكەن دۇرىس. ياعني، كىنالاۋدىڭ ورنىنا، ءوز سەزىمىڭىز تۋرالى ايتقاندا جانجال ۇزاققا سوزىلمايتىنى دالەلدەنگەن فاكتور.
«وعان: «بۇل سەنىڭ كىناڭ«، «سەن دۇرىس ەمەس جاسادىڭ« دەپ ەشقاشان ايتپا. كەرىسىنشە، ءوز سەزىمىڭدى بىلدىرە وتىرىپ نەگە رەنجىگەنىن، كوڭىلى تولماۋعا نە سەبەپ بولعانىن سۇراۋ كەرەك. جۇبايىڭىز جاعدايدى قالاي تۇزەتۋگە بولاتىنىن، ءسىزدى نەگە رەنجىتكەنىن ءوزى نەگە رەنجىگەنىن ءتۇسىندىرىپ بەرگەن ءجون»، - دەيدى پسيحولوگ.
بەسىنشىدەن، ءسىزدىڭ ومىرلىك سەرىگىڭىز ءسىزدىڭ ەڭ جاقىن ادامىڭىز ەكەنىن ۇمىتپاڭىز جانە بارلىق كەلىسپەۋشىلىك بىرگە شەشىلۋى كەرەك.
«سىزدەر ءبىرتۇتاسسىزدار. ونىمەن جانجالعا تۇسكەندە، ءسىز بەيسانالىق تۇردە وزىڭىزبەن ايتىساسىز. بۇل جاقسىلىققا اكەلمەيدى. سونىمەن قاتار، تەك وزىڭىزگە نازار اۋدارۋدى توقتاتىڭىز: سەرىكتەسىڭىزدىڭ دە ادام ەكەنىن ءتۇسىنىڭىز، ونىڭ ءوز اۋرۋى مەن جاراقاتتارى بولۋى مۇمكىن. باقىتتى، تىنىش ءومىر ءسۇرۋ ءۇشىن ءبىر- بىرلەرىڭىزدىڭ كەمشىلىكتەرىڭىزدى قابىلداپ، جاقسىلىقتارىڭىزدى اسىرىپ، جاماندىقتارىڭىزدى جاسىرۋدى ۇيرەنۋ كەرەك»، - دەپ ءتۇسىندىردى حادارتسيەۆا.
