قىتايدىڭ ارنايى اكىمشىلىك اۋدانى ىندەتتىڭ ورشۋىنە بايلانىستى جەتى كۇندىك لوكداۋن ەنگىزدى

نۇر-سۇلتان. قازاقپارات – قىتايدىڭ ماكاو(اۋمىن) ارنايى اكىمشىلىك اۋدانىنىڭ بيلىگى دۇيسەنبىدەن باستاپ كوروناۆيرۋستىق ينفەكسيانىڭ قاتتى ورشۋىنە بايلانىستى جەتى كۇندىك لوكداۋن ەنگىزدى، بارلىق كازينولار، كەڭسەلەر مەن قۇرىلىس الاڭدارى جابىلدى، دەپ حابارلايدى قازاقپارات.

COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ مالىمەتىنشە، لوكداۋن 11-شىلدەدەن 18-شىلدەگە دەيىن سوزىلۋى كەرەك. اۋرۋحانالار، ءدارىحانالار، بازارلار مەن قاجەتتى تاۋارلارى بار دۇكەندەر قالىپتى رەجيمدە جۇمىس ىستەيدى، ونەركاسىپتىك ءوندىرىس پەن كوممەرتسيالىق قىزمەتپەن اينالىساتىن كومپانيالار جۇمىسىن توقتاتتى.

«قازىرگى ۋاقىتتا ماكاودا كوروناۆيرۋستىق ينفەكسيانىڭ ءورشۋى ءتورتىنشى اپتاعا جالعاسۋدا، وسى ۋاقىتقا دەيىن ينفەكسيانىڭ 1,5 مىڭعا جۋىق جاعدايى انىقتالدى. ماكاودا اۋرۋدىڭ تارالۋى اياسىندا 10-شىلدە تاڭەرتەڭنەن 11-شىلدەنىڭ ساعات 18.00 گە دەيىن جالپى قالالىق پ ت ر-تەستىلەۋدىڭ جەتىنشى راۋندى وتەدى، ونىڭ ناتيجەسىندە بيلىك لوكداۋننىڭ كۇشىن جويۋ نەمەسە ۇزارتۋ تۋرالى شەشىم قابىلدايدى»، - دەپ جازدى كوميسسيادان.

ارنايى اكىمشىلىك اۋدانىنىڭ ۇكىمەتى كارانتيندىك شارالاردىڭ ورىندالۋى مىندەتتى ەكەنىن، بۇزۋشىلىق ەكى جىلعا باس بوستاندىعىنان ايىرۋ تۇرىندەگى ەڭ جوعارى جازامەن قىلمىستىق جاۋاپتىلىققا اكەپ سوعاتىنىن اتاپ ءوتتى. بيلىك ماكاو تۇرعىندارىن توتەنشە جاعدايسىز ۇيدەن شىقپاۋعا جانە ەپيدەمياعا قارسى شارالاردى قاتاڭ ساقتاۋعا شاقىرادى. ال يندونەزيادا 2022 -جىلدىڭ 17 شىلدەسىنەن باستاپ كولىكتىڭ بارلىق تۇرلەرىنە بارۋ ءۇشىن ۇدەتكىش ۆاكسينا دوزاسىن تالاپ ەتە باستايدى. ۇدەتكىش ۆاكسينا العان كولىك پايدالانۋشىلارىنا ەندى كوروناۆيرۋسقا انتيگەن ءاناليزىن نەمەسە پتر تەستىن ۇسىنۋدىڭ قاجەتى بولمايدى. 6 جاستان 17 جاسقا دەيىنگى ساياحاتشىلار ءۇشىن مىندەتتى قوسىمشا شارتتار بار. جاستار كوروناۆيرۋسقا قارسى تولىق ۆاكسيناتسيا تۋرالى سەرتيفيكات ۇسىنۋى كەرەك. يزرايلدەگى زەرتتەۋ كورسەتكەندەي، ەسەپ بويىنشا ءتورتىنشى ۆاكسيناتسيا ەگدە جاستاعى ازاماتتار توبىنداعى كوروناۆيرۋس ءولىمىن %72 عا تومەندەتەدى. وسى كەزدە اۋرۋحاناعا جاتقىزۋ كورسەتكىشى %60 عا تومەندەدى.

«بەن-گۋريون جانە تەل-اۆيۆ ۋنيۆەرسيتەتتەرىنىڭ عالىمدارى كوروناۆيرۋسقا قارسى ءتورتىنشى ۆاكسيناتسيا ەگدە جاستاعى ادامداردىڭ ەڭ وسال ازاماتتارى اراسىندا ءولىم- ءجىتىمدى %72 عا تومەندەتەدى دەپ ەسەپتەدى. بۇل وتە ۇلكەن اۋقىمدى زەرتتەۋ، ول ءتورتىنشى ۆاكسيناتسيانى العان قارتتار ۇيىندەگى زەينەتكەرلەر تۋرالى ستاتيستيكانى تالدادى جانە حالىقتىڭ وسى توبى تۋرالى مالىمەتتەردى تەك ءۇش ينەكسيادان وتكەن ادامدارمەن سالىستىردى. بۇل وتكەن قىستا، ەلدە وميكرون شتاممىنا بايلانىستى جاڭا ىندەت بولعان كەزدە بولدى»، - دەلىنگەن حابارلامادا.