باقىتبەك ەسەنتايەۆ مەرزىمىنەن بۇرىن بوساتىلادى

الماتى. قازاقپارات - قونايەۆ قالالىق سوتى جازاسىن وتەۋشى باقىتبەك ەسەنتايەۆتىڭ مەرزىمىنەن بۇرىن شارتتى تۇردە بوساتۋ تۋرالى ءوتىنىشىن قارادى، دەپ حابارلايدى قازاقپارات ءتىلشىسى.

پروكۋرور ب. ەسەنتايەۆتىڭ ءوتىنىشىن قاناعاتتاندىرۋدى سۇراعان. جابىرلەنۋشى ب. م. الاكوزوۆا مەن ونىڭ وكىلى دە ب. ەسەنتايەۆتى شارتتى تۇردە مەرزىمىنەن بۇرىن بوساتۋمەن كەلىستى.

«ەسەنتايەۆ جازاسىن وتەۋ كەزىندە 11 رەت ماقتاۋ، 1 رەت ەسكەرتۋ الدى. جازانىڭ جارتى بولىگىن، ياعني 6 جىل 1 اي 2 كۇنىن وتەدى. ءتارتىبى 3 وڭ دارەجەمەن باعالانادى. جاساعان قىلمىسىنىڭ قوعامدىق قاۋىپتىلىگىن ءتۇسىنىپ، ىستەگەن ىسىنە وكىنەدى. سوت ۇكىمىمەن سالىنعان 756269 تەڭگە پروتسەستىك شىعىنداردى ەرىكتى تۇردە وتەدى»، - دەپ حابارلادى سوتتان.

سوتتىڭ 12-شىلدەدەگى قاۋلىسىمەن باقىتبەك ەسەنتايەۆتىڭ شارتتى تۇردە مەرزىمىنەن بۇرىن بوساتۋ تۋرالى ءوتىنىشحاتى قاناعاتتاندىرىلدى. قاۋلى زاڭدى كۇشىنە ەنگەن جوق.

ەسكە سالايىق، الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ 2016 -جىلعى 3-قاراشاداعى ۇكىمىمەن ەسەنتايەۆ كىسى ولتىرۋگە وقتالۋ (ق ك 24-بابىنىڭ 3-بولىگى، 99-باپتىڭ 1-بولىگى) بويىنشا 9 جىلعا سوتتالىپ، جازاسىن قىلمىستىق-اتقارۋ جۇيەسىنىڭ قاۋىپسىزدىگى بارىنشا جوعارى مەكەمەسىندە وتەۋگە كەسىلگەن بولاتىن.