قازاقستاننىڭ قاي وڭىرىندە ءومىر ءسۇرۋ قىمبات
مامانداردىڭ ايتۋىنشا، بۇل كورسەتكىش سوڭعى جىلدارمەن سالىستىرعاندا ەڭ جوعارعىسى، دەپ حابارلايدى Zakon.kz.
2022 -جىلدىڭ ءبىرىنشى توقسانىندا قازاقستاندىقتاردىڭ شىعىستارى بىردەن جىلىنا %16,7 عا ءوسىپ، جان باسىنا شاققاندا رەكوردتىق كورسەتكىشكە 219,7 مىڭ تەڭگەنى قۇرادى، دەلىنگەن حابارلامادا.
ايتا كەتەيىك، 2021 -جىلدىڭ وسى كەزەڭىندە ءۇي شارۋاشىلىعىنىڭ شىعىستارى جان باسىنا شاققاندا 188,2 مىڭ تەڭگەنى قۇراپ، جىلىنا 6,7 پايىزعا جەتكەن.
Energyprom.kz ساراپشىلارى وڭىرلىك تۇرعىدا ەڭ جوعارى شىعىستار الماتى تۇرعىندارى اراسىندا بايقالعانىن تۇسىندىرەدى: توقسانىنا جان باسىنا 319,6 مىڭ تەڭگە، الدىڭعى جىلمەن سالىستىرعاندا %19,7 عا ارتىق.
ودان كەيىنگى ورىندا قاراعاندى وبلىسى (جان باسىنا شاققاندا 275,3 مىڭ تەڭگە، جىلىنا
پليۋس %15 جانە نۇر-سۇلتان (266,2 مىڭ تەڭگە، پليۋس %14,9).
ەسەپكە سايكەس، ەڭ تومەنگى كورسەتكىشتەر شىمكەنتتە: بار بولعانى 158,2 مىڭ تەڭگە، پليۋس جىلىنا %6,7. بۇل رەسپۋبليكالىق ورتاشا كورسەتكىشتەن بىردەن %28 عا از.
حالىقتىڭ بارلىق شىعىستارىنىڭ %91,9 ىن تۇتىنۋ شىعىستارى قۇرادى: 201,8 مىڭ تەڭگە، ءبىر جىل بۇرىنعىدان %16 عا ارتىق. ونىڭ ىشىندە ازىق- تۇلىك تاۋارلارىنىڭ قۇنى 109,9 مىڭ تەڭگەنى، ازىق-تۇلىك ەمەس تاۋارلارعا - 53,2 مىڭ تەڭگەنى، اقىلى قىزمەتتەرگە - 38,8 مىڭ تەڭگەنى قۇرادى.
باسقا دا شىعىندارعا مىنالار كىرەدى:
تۋىستارىنا ماتەريالدىق كومەك كورسەتۋگە جانە اليمەنت وندىرۋگە 4,1 مىڭ تەڭگەنى قۇرادى؛
بەرەشەكتى وتەۋگە - 13,4 مىڭ تەڭگە؛
سالىقتار، تولەمدەر جانە باسقا دا تولەمدەر بويىنشا - 437 تەڭگە.
