كوروناۆيرۋس ءبىر جىل ىشىندە قانت ديابەتىن تۋدىرۋى مۇمكىن - دارىگەرلەر
lenta.ru سايتىنىڭ حابارلاۋىنشا، زەرتتەۋشىلەر ءالى كۇنگە دەيىن COVID-19 ۆيرۋسىمەن قانت ديابەتى اراسىنداعى تىكەلەي بايلانىستى انىقتاعان جوق. ولار اۋرۋ كەز كەلگەن جاعدايدا ءوزىن كورسەتە الادى دەپ ەسەپتەيدى، ال ۆيرۋس تەك ونىڭ دامۋ پروتسەسىن جەدەلدەتەدى.
سونداي-اق، وتىرىقشى ءومىر سالتى ينسۋلينگە توزىمدىلىكتى جانە ديابەتكە دەيىنگى جاعدايدى تۋدىرۋى مۇمكىن. از قيمىلداۋ سالتىن ۇستاناتىن ايەلدەر جوعارى تاۋەكەلگە ۇشىرايدى. سونىمەن قاتار، ساراپشىنىڭ پىكىرىنشە، ەگەر ايەلدەر كوپ ۋاقىتتى وتىرعان كۇيدە وتكىزەتىن بولسا، جارتى ساعاتتىق شاعىن جاتتىعۋلار اۋرۋدىڭ ءتيىمدى پروفيلاكتيكاسىنا اينالمايدى.
سونىمەن قاتار، دارىگەرلەر دۇرىس تاماقتانباۋ دا قانت ديابەتىنە اكەلەتىنىن ەسكەرتەدى. سوندىقتان اۋرۋدىڭ دامۋىن بولدىرماۋ ءۇشىن جەمىستەر، بۇرشاق، جاڭعاقتار، كوكونىستەر مەن ءداندى داقىلداردى قامتيتىن تەڭدەستىرىلگەن ديەتانى قولدانۋ ۇسىنىلادى. بۇل رەتتە تۇتىنىلاتىن قانت پەن تازارتىلعان كومىرسۋلاردىڭ مولشەرىن قاداعالاعان ءجون.
ماماندار ينسۋلينگە توزىمدىلىك پەن قانت ديابەتىنىڭ نەگىزگى سەبەپتەرىنىڭ ءبىرى ءالى دە ارتىق سالماق ەكەنىن ەسكە سالدى. ونى باقىلاۋدا ۇستاۋ جانە قاۋىپتى ەندوكرينولوگيالىق اۋرۋلاردىڭ قاۋپىن ازايتۋ ءۇشىن ۇنەمى جاتتىعۋلار جاساۋ ماڭىزدى. دارىگەرلەر اپتاسىنا كەمىندە ەكى ساعات جاياۋ ءجۇرۋدى جانە اپتاسىنا ءۇش-ءتورت رەت جاتتىعۋ جاساۋدى ۇسىندى.
