قازنەتتە سۋ قويماسىنان بالانى قۇتقارۋ ءساتى تۇسىرىلگەن ۆيدەو تارادى

نۇر-سۇلتان. قازاقپارات – الەۋمەتتىك جەلىدە سۋ قويماسىنان بالانى قۇتقارۋ ءساتى تۇسىرىلگەن ۆيدەو تارادى.

كادرلاردا كوك ءتۇستى كيىم كيگەن ءۇش ەر ادام مەن تاعى ءبىر بالا قاتتى اعىس الىپ كەتكەن بالانى قۇتقارۋ ءۇشىن ارتىنان جۇگىرەدى. ءبىر كەزدە ەكى ادام سۋعا سەكىرەدى، ولاردىڭ ءبىرى بالانى قۇتقارىپ قالادى. ءبىراق فورما كيگەن تاعى ءبىر ادام سۋدان شىعا الماي قالادى. ەندى سول ادامدى قۇتقارۋ ءۇشىن تاعى ءبىرى سۋعا سەكىرەدى، الايدا ۆيدەوداعى ەكى ادام دا سۋدا كوزدەن عايىپ بولادى.

قازاقستان توتەنشە جاعدايلار مينيسترلىگى وكىلدەرى ۆيدەوعا قاتىستى پىكىر ءبىلدىردى.

«WhatsApp مەسسەندجەرى ارقىلى تاراپ جاتقان ۆيدەوعا قاتىستى. قازاقستان اۋماعىندا مۇنداي دەرەك تىركەلگەن جوق، كەزەكشىگە قوڭىراۋ شالىنباعان، فورما دا بىزدىكى ەمەس»، - دەدى توتەنشە جاعدايلار مينيسترلىگىنىڭ رەسمي وكىلى تالعات ءۋالي.

Tengrinews.kz