قوستاناي كوشەسىندە جۇرگەن سيىر بىرنەشە ادامدى ءسۇزىپ جاراقاتتادى - ۆيدەو

قوستاناي. قازاقپارات - قوستاناي قالاسىنىڭ ءار جەرىندە ادامداردى قۋالاپ جۇرگەن سيىردىڭ ۆيدەوسى الەۋمەتتىك جەلىلەرگە تارادى، دەپ حابارلايدى قازاقپارات.

سيىر قوستاناي كوشەلەرىن ارالاپ، بىرنەشە ادامدى ءسۇزىپ قۇلاتقان. ءۇي جانۋارىن ەشكىم ۇستاي الماعان، وعان ءتىپتى پوليتسيا قىزمەتكەرلەرىنىڭ دە شاماسى جەتپەدى. سيىر بولسا بىرنەشە ادامدا جاراقاتتاپ ۇلگەرگەن. وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى كسەنيا جىلقىبايەۆا سيىردان زارداپ شەككەن ءۇش ادامنىڭ كومەك سۇراپ تەلەفون شالعانىن ايتادى.

«ءۇش ادام زارداپ شەككەن. ەكەۋىنىڭ دەنە مۇشەسى سىنىپ، بىرەۋى اۋىرتىپ العان»، - دەپ حابارلادى باسپا ءسوز حاتشىسى. پوليتسيا ازىرگە بۇل وقيعا تۋرالى ەشقانداي مالىمەت بەرمەدى.