ەكولوگيا تالاپتارىن بۇزعان اقتوبەلىك كومپانيالارعا ميلليارد تەڭگە ايىپپۇل سالىندى

اقتوبە. قازاقپارات - اقتوبەدە قورشاعان ورتانى قورعاۋ تالاپتارىن ساقتاماعان ءوندىرىس ورىندارىنا ميلليارد تەڭگە ايىپپۇل سالىندى.

بۇل تۋرالى وبلىستىق باس ەكولوگى باسپا ءسوز ءماسليحاتىندا ايتتى، دەپ حابارلايدى قازاقپارات ءتىلشىسى.

اقتوبە وبلىستىق ەكولوگيا دەپارتامەنتى قالانى سۋ، جىلۋمەن قامتىپ، اعىندى سۋدى زالالسىزداندىرىپ وتىرعان «Aqtobe su-energy group» ا ق-ىن تەكسەردى. كارىز تازارتۋ قۇرىلعىسى جانە كارىز سورعىلاۋ ستانساسى-1، 11 جانە 13-ايماعىندا قالدىقتاردى ۋاقىتشا جيناۋ جانە ساقتاۋعا ارنالعان ارنايى ورىننىڭ جوق ەكەنى انىقتالدى.

ناتيجەسىندە سارقىندى سۋلاردى وڭدەۋ كەزىندە شىققان شلام قۇرىلىس، تاماق قالدىقتارىمەن جانە قاتتى تۇرتىستىق قالدىقپەن ارالاساتىنى بەلگىلى بولدى. لاي تۇنباسى كادەگە جاراتىلماعان جانە قايتا وڭدەلمەگەن بولىپ شىقتى. سونىمەن بىرگە قالدىقتار جاعىلعان.

«سۋدى سىناۋ حاتتاماسىنا سايكەس №1-سۋ رەتتەۋشى توراپقا شىعارىلاتىن سۋ قۇرامىندا لاستاۋشى زات مولشەرىنىڭ اسىپ كەتكەنى انىقتالدى. ءارى دەپارتامەنتكە مالىمەت تولىق ۇسىنىلماعان. تەكسەرۋ ناتيجەلەرى بويىنشا كاسىپورىنعا قاتىستى اكىمشىلىك قۇقىق بۇزۋشىلىق تۋرالى 18 حاتتاما تولتىرىلدى»، - دەدى وبلىستىق ەكولوگيا دەپارتامەنتىنىڭ باسشىسى تالاپ ۇسنادين.

سونداي-اق اقتوبە وبلىسى ەكولوگيا دەپارتامەنتى وبلىس پروكۋراتۋراسىمەن بىرلەسىپ «GasProcessingCompany» ج ش س تەكسەرۋ جۇمىستارىن جۇرگىزدى.

«اۋاعا لاستاۋشى زاتتاردىڭ شىعارعان، جەردىڭ لاستاپ، قالدىقتاردى دۇرىس ساقتاماعان. تەكسەرۋ ناتيجەلەرى بويىنشا «GasProcessingCompany» ج ش س-ى ق ر ا ق ب ت ك-نىڭ بىرنەشە بابى بويىنشا اكىمشىلىك ءىس قوزعالىپ، 675 ميلليون تەڭگەدەن استام سوماعا ايىپپۇل سالىندى. اكىمشىلىك ايىپپۇل سوماسى مەملەكەت كىرىسىنە ەرىكتى تۇردە ءوندىرىپ الىندى»، - دەدى تالاپ ۇسنادين.