ينتەرنەت ارقىلى بىرنەشە رەت الاياقتىق جاساعان قىلمىستىق توپ ۇستالدى
ولار - قازاقستان مەن رەسەي ازاماتتارى، دەپ حابارلايدى قازاقپارات Polisia.kz سايتىن سىلتەمە جاساپ.
13-22-ماۋسىم ارالىعىندا ءوز پاتەرىن ساتقان الماتى تۇرعىنى الاياقتاردىڭ ارباۋىنا ۇشىرايدى. ول بىرنەشە ترانشپەن ساتىلىمنان تۇسكەن 23 ميلليون تەڭگەنى الاياقتاردىڭ شوتتارىنا اۋدارعان. الدانىپ قالعانىن تۇسىنگەن جابىرلەنۋشى 24 -ماۋسىمدا قۇقىق قورعاۋ ورگاندارىنا جۇگىندى. اتالعان فاكتىگە بايلانىستى الماتى قالاسى المالى اۋدانىنىڭ پ ب قازاقستان رەسپۋبليكاسى ق ك 190-بابىنىڭ 4-بولىگىندە (اسا ءىرى مولشەردەگى الاياقتىق) كوزدەلگەن قىلمىستىق قۇقىق بۇزۋشىلىق قۇرامىنىڭ بەلگىلەرى بويىنشا سوتقا دەيىنگى تەرگەۋ باستادى.
ءى ءى م كريمينالدىق پوليتسيا دەپارتامەنتى مەن الماتى پ د اسا تاجىريبەلى قىزمەتكەرلەرىنەن ارنايى جەدەل- تەرگەۋ توبى قۇرىلدى. جەدەل ىزدەستىرۋ جانە تەرگەۋ ءىس- شارالارى بارىسىندا الاياقتىق ارەكەتتەردە قازاقستاننىڭ ءارتۇرلى قالالارىندا تۇراتىن جالعان تۇلعالارعا رەسىمدەلگەن 10 عا جۋىق بانك كارتالارى پايدالانىلعانى انىقتالدى. قازاقستان رەسپۋبليكاسى ءى ءى م كيبەرقىلمىسپەن كۇرەس بولىمشەسىنىڭ جەدەل ۋاكىلدەرى پاۆلودار وبلىسى جانە الماتىداعى ارىپتەستەرىمەن بىرگە قازاقستان مەن رەسەيدىڭ 15 ازاماتىنان قۇرالعان قىلمىستىق توپتى ۇستادى. بەسەۋىنە قاتىستى «قاماۋعا الۋ» بۇلتارتپاۋ شاراسى تاڭدالدى. ۇستالعان توپ مۇشەلەرىنىڭ ينتەرنەتتەگى الاياقتىقتىڭ التى ەپيزودىنا ىقتيمال قاتىستىلىعى انىقتالدى. كەلتىرىلگەن شىعىن 106 ميلليون تەڭگەدەن استام.
