ەلەنا رىباكينا فەدەراتسيا سىياقىسىن الۋدان باس تارتتى

نۇر- سۇلتان. قازاقپارات - ۋيمبلدون چەمپيونى ەلەنا رىباكينا تۋرنيردەگى جەڭىسى ءۇشىن بەرىلەتىن قازاقستان تەننيس فەدەراتسياسىنىڭ سىياقىسىن الۋدان باس تارتتى.

بۇل تۋرالى فەدەراتسيا ۆيتسە- پرەزيدەنتى يۋري پولسكي مالىمدەدى، دەپ حابارلايدى قازاقپارات ءتىلشىسى.

ايتۋىنشا، فەدەراتسيا تەننيسشىنى قارجىلاي قولداعىسى كەلگەن. الايدا، ول بۇدان باس تارتىپ، قارجىنى قايىرىمدىلىققا جانە قازاقستاننىڭ جاس تەننيسشىلەرىن قولداۋعا جۇمساعىسى كەلەتىنىن جەتكىزدى.

« فەدەراتسياعا قازىردىڭ وزىندە ءوز بالالارىن تەننيسكە بەرگىسى كەلەتىن اتا- انالاردان ءوتىنىش كوپتەپ ءتۇسىپ جاتىر. ەلدە ۇلكەن سەرپىلىس پايدا بولدى. بۇل تەننيستىڭ جاڭا قارقىنمەن دامۋىنا جول اشپاق»، - دەدى يۋ. پولسكي.

ەسكە سالا كەتەيىك، بۇدان بۇرىن بولات وتەمۇراتوۆتىڭ ەلەنا رىباكينانىڭ جارقىن جەڭىستەرى الدا ەكەنى تۋرالى ايتقانىن جازعان بولاتىنبىز. سونداي- اق، ەلەنا رىباكينا ۇيگە - قازاقستانعا قايتاتىنىن جەتكىزدى .