الماتى مەن نۇر-سۇلتان الەمنىڭ ەڭ قىمبات قالالارىنىڭ قاتارىنا كىردى

نۇر-سۇلتان. قازاقپارات - ەلوردا جانە الماتى قالاسى ءومىر ءسۇرۋ بويىنشا الەمدەگى ەڭ قىمبات قالالار قاتارىنا ەندى.

رەيتينگ 2022 -جىلدىڭ ءبىرىنشى جارتىجىلدىعىنىڭ قورىتىندىسى بويىنشا جاسالدى، دەپ حابارلايدى قازاقپارات ءتىلشىسى.

Numbeo ۆەب-سايتى الەمدەگى ەڭ ءىرى قالالاردا ءومىر ءسۇرۋ قۇنى تۋرالى اقپارات ۇسىندى. رەيتينگكە 510 قالا كىردى. ءومىر ءسۇرۋ قۇنىنىڭ يندەكسىن ەسەپتەۋ ءۇشىن ساراپشىلار نيۋ-يوركتىڭ نەگىزگى كورسەتكىشىن پايدالانعان. ءومىر ءسۇرۋ قۇنىنىڭ يندەكسى بويىنشا الماتى 466-ورىندا، ال قازاقستاننىڭ استاناسى نۇر-سۇلتان قالاسى 475-ورىندا تۇر.

تىزىمدە ءبىرىنشى بولىپ بەرمۋد-گاميلتوننىڭ اكىمشىلىك ورتالىعى ورنالاسقان.

ايتا كەتەيىك، ءومىر ءسۇرۋ قۇنى بويىنشا ۇزدىك 10 قالاعا شۆەيتساريا مەن ا ق ش قالالارى كىرىپ وتىر.

اتاپ ايقتاندا، بازەل (شۆەيتساريا)، سيۋريح (شۆەيتساريا)؛ سۋگ (شۆەيتساريا)، لوزاننا (شۆەيتساريا)، بەرن (شۆەيتساريا)، جەنيەۆا (شۆەيتساريا)، گونولۋلۋ (ا ق ش، گاۆاي شتاتى)، سانتا- باربارا (اقش، كاليفورنيا شتاتى) جانە نيۋ-يورك قالاسى (ا ق ش).

رەيتينگ جاساۋ ءۇشىن زەرتتەۋشىلەر تۇرعىن ءۇيدى جالعا الۋ مەن تۇرۋ، تاماق، سونىمەن قاتار قالا مەيرامحانالارىنداعى باعالاردى زەرتتەدى.

اۆتور: ءالي يبرايەۆ