شري- لانكادا نارازى توپ پرەزيدەنتتىڭ ۇيىنە باسىپ كىرىپ، وتستاۆكاعا كەتۋىن تالاپ ەتتى

ەل ەكونوميكالىق داعدارىسقا ۇشىرادى، نارازىلىق بيىلعى ناۋرىز ايىنان بەرى باسىلماي وتىر. شري- لانكانىڭ پرەمەر- ءمينيسترى رانيل ۆيكرمەسينگحە ءوز پارتياسىنىڭ جەتەكشىلەرىن شۇعىل جينالىسقا شاقىرىپ، سپيكەرگە پارلامەنت مۇشەلەرىن دەرەۋ جيناۋدى بۇيىردى. سەنبى كۇنگى جاپپاي شەرۋ - اۋىر ەكونوميكالىق داعدارىسقا ۇشىراعان ارال ەلىندەگى بيىلعى ەڭ ءىرى نارازىلىق شارالارىنىڭ ءبىرى. پوليتسيا شەرۋشىلەردى تاراتۋ ءۇشىن سۋ اتقىشتار مەن كوزدەن جاس اعىزاتىن گاز قولدانعان.

قورعانىس مينيسترلىگىنىڭ حابارلاۋىنشا، پرەزيدەنت گوتاباي رادجاپاكسا دەمالىس كۇندەرى بولاتىن نارازىلىق تۋرالى ەسكەرتۋگە بايلانىستى جۇما كۇنى رەزيدەنسياسىنان شىعارىلدى. شري- لانكا 1948 -جىلى ۇلى بريتانيا قاراماعىنان شىققاننان بەرى ەڭ اۋىر ەكونوميكالىق داعدارىستى باستان كەشىپ جاتىر. ەلدە جانار- جاعارماي تاپشىلىعى قاتتى سەزىلۋدە، سونىمەن قاتار ازىق- تۇلىك پەن ءدارى- دارمەك جەتىسپەۋشىلىگى بايقالادى. وتكەن ايدا ەلدەگى ينفلياتسيا كورسەتكىشى 50 پايىزدان استى. شري- لانكا تۇرعىندارى بيلىكتىڭ ارەكەتسىزدىگىنە اشۋلانىپ، پرەزيدەنتتىڭ وتستاۆكاعا كەتۋىن تالاپ ەتىپ وتىر.

فوتو: gettyimages.com