پەتروپاۆلدا تەحنوگەندىك سيپاتتاعى توتەنشە جاعداي جاريالانباق

پەتروپاۆل قالالىق اكىمدىگى ىشكى ساياسات ءبولىمىنىڭ باسشىسى ازات يبرايەۆتىڭ ايتۋىنشا، ازىرگە جەرگىلىكتى ماسشتابتاعى تەحنوگەندىك سيپاتتاعى توتەنشە جاعداي جاريالانعان جوق. شەشىم 4 -شىلدە كۇنى وتكەن قالالىق اكىمدىك جانىنداعى توتەنشە جاعدايلاردىڭ الدىن الۋ جانە جويۋ جونىندەگى كوميسسيانىڭ وتىرىسىندا قابىلداندى. بۇل شەشىم اشىق نورماتيۆتىك- قۇقىقتىق اكتىلەر پورتالىندا قوعام تالقىلاۋىنا سالىنعان. تەحنوگەندىك سيپاتتاعى توتەنشە جاعداي جاريالاۋدىڭ ماقساتى - پەتروپاۆل 2- ج ە و بولعان اپات سالدارىن جويۋ.

«نەگىزگى مىندەت - توتەنشە جاعدايدىڭ ىقتيمال تەرىس دامۋىنا باعالاۋ جۇرگىزۋ، جىلىتۋ ماۋسىمىن قاۋىپسىز وتكىزۋ ءۇشىن قاجەتتى شارالاردى قولدانۋ، قاجەت بولعان جاعدايدا الەۋمەتتىك ماڭىزى بار نىسانداردى جىلىتۋ ءۇشىن قوسىمشا جابدىقتار ساتىپ الۋ»، - دەلىنگەن قاۋلى جوباسىندا.

ەستەرىڭىزگە سالا كەتسەك، بيىل 20-ناۋرىز كۇنى پەتروپاۆل جىلۋ ورتالىعىنىڭ ءتۇتىن مۇرجالارىنىڭ ءبىرى ءىشىنارا وپىرىلىپ قۇلاعان ەدى. ءۇيىندىنىڭ استىندا قالعان جۇمىسشى قايتىس بولدى . قىلمىستىق ءىس قوزعالىپ، ورتالىق ديرەكتورى مەن باس ينجەنەرى قاماۋعا الىندى . تەرگەۋ امالدارى ءالى اياقتالعان جوق. سونداي- اق، ەنەرگەتيكا ءمينيسترى بولات اقشولاقوۆ پەتروپاۆلداعى مۇرجاسى قۇلاعان 2-ج ە و- دا بولىپ، نىساندى كۇردەلى جوندەۋگە 17,5 ميلليارد تەڭگە قاجەت ەكەنىن ايتتى. ال، جۋىردا «سيەۆكازەنەرگو» ا ق ءتۇتىن مۇرجاسىن بولشەكتەۋگە نەگە ءۇش ادامنىڭ عانا جۇمىلدىرىلعانىنا تۇسىنىك بەردى.