تۇركيا كوروناۆيرۋسقا قاتىستى شەكتەۋلەردى كۇشەيتۋى مۇمكىن

COVID-19 تارالۋىنا جول بەرمەۋ جونىندەگى ۆەكدومستۆوارالىق كوميسسيانىڭ مالىمەتىنشە، كاتاردا 7- شىلدەدەن باستاپ جەرگىلىكتى تۇرعىندار مەن تۋريستەر جابىق ورىنداردا، كولىكتە بەتپەردە كيۋگە مىندەتتى.

ەل تۇرعىندارى ءبىر ايداي ۋاقىتقا عانا شەكتەۋسىز ءومىر ءسۇردى.

ۇكىمەت جابىق قوعامدىق ورىنداردا ماسكالاردى مىندەتتى تۇردە كيۋدى 21- مامىردا عانا توقتاتقان بولاتىن. وسىنداي تالاپتار 8- شىلدەدەن باستاپ كيپردە دە قولدانىلا باستادى.

«ماسكالاردى 12 جاستان اسقان بارلىق ازاماتتار كيۋى كەرەك»، - دەدى ەلدىڭ دەنساۋلىق ساقتاۋ ءمينيسترى ميحاليس حادزيپاندەلاس.

ول جاڭا ەرەجەلەردى ەنگىزۋ سەبەبىن سوڭعى كۇندەردەگى بارلىق ەپيدەميولوگيالىق كورسەتكىشتەر مەن كوروناۆيرۋسپەن اۋىراتىن ناۋقاستاردى اۋرۋحاناعا جاتقىزۋ سانىنىڭ ارتۋىمەن ءتۇسىندىردى.

تۇركيادا مەديتسينالىق قاۋىمداستىق (TTB) ۇكىمەتكە مىندەتتى تۇردە ماسكا تاعۋدى قايتا ەنگىزۋگە شاقىردى.

«COVID-19 ينفەكسياسىنا شالدىعۋ دەرەكتەرى وسۋدە. ۆاكسيناتسيانى بالالاردان باستاۋ كەرەك، بارلىعىنا جابىق ورىنداردا بەتپەردە تاعۋدى مىندەتتەۋ كەرەك، تەستتەر سانىن كوبەيتۋ قاجەت، ولاردىڭ ناتيجەلەرى تۋرالى كۇندەلىكتى مالىمەتتەرمەن ءبولىسۋ كەرەك»، — دەپ اتاپ ءوتتى مەديتسينالىق قوعامداستىق وكىلدەرى.