ساۋداگەرلەر تاۋارىنىڭ باعاسىن قىتايدا باسقا، قازاقستاندا باسقا سومامەن كورسەتەدى

كوميتەت تاۋارلاردى جونەلتۋشى ەلدىڭ ەكسپورتتىق دەكلاراتسيالارىنان اقپاراتپەن ءوزارا الماسۋ تۋرالى حالىقارالىق شارتتاردى جاساسۋ بويىنشا جوسپارلى جۇمىس جۇرگىزۋدە. ناقتى ۋاقىت رەجيمىندە تاۋارلاردىڭ قۇنىن جانە ولاردىڭ جونەلتۋشى ەلدە ەكسپورتى كەزىندە كورسەتىلگەن سانىن قازاقستاننىڭ كەدەندىك دەكلاراتسيالارىندا قازاقستاندىق يمپورتتاۋشىلار مالىمدەگەن مالىمەتتەرمەن سالىستىرۋ تەتىگى ىسكە اسىرىلدى. بۇل رەتتە دەكلارانتتاردىڭ تاۋار تۋرالى جالعان اقپارات جاريالاۋ فاكتىلەرى انىقتالىپ وتىر.

ماسەلەن، وسى جىلدىڭ مامىر ايىندا ق ح ر- دان ليۋسترا يمپورتتالدى. دەكلارانت پارتيانىڭ قۇنىن 11 مىڭ دوللار دەپ كورسەتتى. الايدا قىتايدىڭ كەدەن قىزمەتىنەن اقپارات سۇراتىلىپ، ولاردىڭ مالىمەتى بويىنشا ەكسپورت كەزىندە بۇل جۇكتىڭ قۇنى 240 مىڭ دوللاردى قۇراعانى انىقتالعان. وسىلايشا، يمپورتتالعان تاۋارلاردىڭ قۇنى 22 ەسە تومەندەتىلدى، ال ورىندالماعان سالىق مىندەتتەمەلەرىنىڭ سوماسى 25 ميلليون تەڭگەنى قۇرادى.

ق ح ر- نىڭ كەدەن قىزمەتىنىڭ مالىمەتتەرىنە سايكەس، قازاقستانعا ەكسپورتتالاتىن جۇكتەردىڭ بىرىندە « Smart -تەلەديدار» تاۋارى جونەلتىلدى. الايدا يمپورتتاۋشى كەدەندىك تولەمدەردى تولەۋدەن جالتارۋ ماقساتىندا «تەلەۆيزيالىق قوراپ» تاۋارىن كورسەتتى. وسىعان وراي كەدەندىك ساراپتاما جۇرگىزىلىپ، قىتايدان كەلگەن دەرەكتەر راستالدى.

جۇرگىزىلگەن جۇمىستىڭ ارقاسىندا اعىمداعى جىلدىڭ ءبىرىنشى جارتىجىلدىعىندا جالپى سوماسى 15,8 ميلليارد تەڭگە تاۋاردىڭ كەدەندىك قۇنىن تومەندەتۋ فاكتىلەرىنىڭ جولى كەسىلدى، سونداي- اق قازاقستانداعى يمپورت پەن قىتايدان ەكسپورت اراسىنداعى ايىرماشىلىق 1,4 ميلليارد دوللارعا دەيىن تومەندەدى. 2017 -جىلى بۇل كورسەتكىش 6,8 ميلليارد دوللارمەن % 59 قۇراعان. سىرتقى ەكونوميكالىق قىزمەتتىڭ كەيبىر قاتىسۋشىلارى قابىلدانعان شەشىمدەرمەن كەلىسپەيتىنىن اتاپ وتكەن ءجون.

ولار مەملەكەتتىك كىرىستەر كوميتەتىنىڭ جۇرگىزىلىپ جاتقان جوسپارلى جۇمىسىنىڭ بەدەلىن تۇسىرۋگە بارىنشا تىرىسىپ، زاڭدى تۇردە بەلگىلەنگەن تولەمدەردى تولەۋدەن جالتارىپ باعۋدا. بۇگىنگى تاڭدا كوميتەت قىتايمەن، ازىربايجانمەن، گرۋزيامەن، ۋكراينامەن، وزبەكستانمەن، يرانمەن، تۇركىمەنستانمەن جانە تۇركيامەن اقپارات الماسۋ تۋرالى شارت جاساستى. سونداي- اق ءتيىستى كەلىسىم جاساسۋ ءۇشىن تاجىكستان كەدەن قىزمەتىمەن كەلىسسوز جۇرگىزىپ جاتىر.

فوتو: pbs.twimg.com