لوندون شوتلانديانىڭ تاۋەلسىزدىك تۋرالى ءوتىنىشىن كەرى قايتاردى

ول بۇل جايلى ايماقتىڭ ءبىرىنشى ءمينيسترى نيكولا ستەردجەنگە جولداعان حاتىندا مالىمدەدى، دەپ حابارلايدى «حابار 24».

دجونسون ماسەلە 2014 شەشىلگەنىن جانە قازىر ونى قايتا كوتەرەتىن كەز ەمەس ەكەنىن ايتقان.

ەسكە سالا كەتەيىك، 2014 -جىلى شوتلانديا ۇلى بريتانيا قۇرامىنان شىعۋدى رەفرەندۋمدا داۋىسقا سالىپ، وعان قارسىلار باسىم تۇسكەن ەدى. ءبىراق ايماق باسشىسى نيكولا ستەردەجەن ۇلى بريتانيا ەۋروپالىق وداقتان شىققاننان كەيىن جاعداي وزگەرگەنىن العا تارتىپ، تاعى ءبىر رەت رەفەرەندۋم وتكىزۋدى ۇسىنىپ وتىر.

شوتلانديا – ۇلى بريتانياداعى تاريحي، ماڭىزدى اكىمشىلىك ايماق. 17- عاسىردىڭ ورتاسىنا دەيىن تاۋەلسىز مەملەكەت بولدى. ۇلى بريتانيا ارالىنىڭ سولتۇستىك بولىگىنەن جانە وعان جاناسىپ جاتقان ۇساق ارالداردان، سونداي- اق گەبريد، وركنەي جانە شوتلاند ارالدارىنان قۇرالادى. حالقى 6 ميلليوننان استام، نەگىزىنەن شوتلاندىقتار. اكىمشىلىك- اۋماقتىق جاعىنان 12 وبلىس پەن 186 ارالدان تۇرادى. اكىمشىلىك ورتالىعى - ەدينبۋرگ قالاسى. مەملەكەتتىك ءتىلى - اعىلشىن ءتىلى.