قونايەۆ قالاسى بىرنەشە جىلدان كەيىن قانداي بولۋى مۇمكىن؟

نۇر-سۇلتان. قازاقپارات - قونايەۆ (بۇرىنعى قاپشاعاي) قالاسىنىڭ جاڭا باس جوسپارىن قازاقستاندىق ساۋلەتشىلەر ازىرلەپ جاتىر.

قالادا جاڭا اكىمشىلىك عيماراتتار مەن تۇرعىن ۇيلەر سالىنىپ، اۋقىمدى قۇرىلىس باستالادى. قونايەۆ قالاسى بىرنەشە جىلدان كەيىن قانداي بولۋى مۇمكىن؟

نازارلارىڭىزعا الدىن الا دايىندالعان ەسكيزدەردى ۇسىنادى.

قونايەۆتىڭ باس جوسپارىن ازىرلەۋ تۋرالى تولىعىراق قازاقستان قالا قۇرىلىسشىلارى وداعىنىڭ پرەزيدەنتى ليۋبوۆ نىسانبايەۆا ايتىپ بەردى.

«قالا وبلىستىڭ اكىمشىلىك ورتالىعى بولعان كەزدە، ول مۇلدە وزگەرەدى، قونايەۆ قالاسىنىڭ باس جوسپارى باسقاشا بولادى. سوندىقتان، ءقازىر قالانىڭ اكىمشىلىك ورتالىعىنا اينالاتىن جەر تاڭدالىپ جاتىر (...)»، - دەدى ليۋبوۆ نىسانبايەۆا.

قاپشاعاي، قازىرگى قونايەۆ قالاسىنىڭ باس جوسپارى 2006 -جىلى ۇكىمەت قاۋلىسى بويىنشا بەكىتىلگەن. الايدا قالا جاڭا مارتەبە الىپ، الماتى وبلىسىنىڭ ورتالىعىنا اينالدى. وسىعان بايلانىستى قونايەۆ دامۋعا جاڭا مۇمكىندىك الدى. قالا مارتەبەسىنە سايكەس جاڭا ينفراقۇرىلىم نىساندارى پايدا بولادى.

Tengrinews.kz