قونايەۆ قازاق جەرىن وزبەكستانعا بەرۋگە قارسى بولمادى - تاشەنەۆ

None
None
نۇر-سۇلتان. قازاقپارات – ولار تەك قانا قىزمەت بابىمەن عانا اينالىستى. بۇنى ەشقانداي دوستىق قارىم-قاتىناس دەۋگە كەلمەيدى.

دىنمۇحامەت احمەت ۇلى قازاقستان بۇل جەرلەردى «ءوز اعاسىنا» تارتۋ ەتەتىندىگىن ايتىپتى. قونايەۆ قازاقستاننىڭ 3 اۋدانىن وزبەكستانعا تارتۋ ەتكىسى كەلدى.

قونايەۆ قازاق جەرىن وزبەكستانعا بەرۋگە قارسى بولماعان. 1962 -جىلدىڭ 21-جەلتوقسانىنداعى دىنمۇحامەت احمەت ۇلى قول قويعان ساياسي بيۋرونىڭ قاۋلىسىندا ماقتارال، سول كەزدەگى يليچ جانە شىمكەنت وبلىسىنىڭ كيروۆ اۋداندارىنداعى ماقتا ەگەتىن جەرلەردى وزبەكستانعا بەرۋ تۋرالى وڭتۇستىك قازاقستان ولكەلىك كوميتەتىنىڭ ۇسىنىسىن قولداۋ جايى ايتىلعان.

بۇل تۋرالى Exclusive جۋرنالىنىڭ تىلشىسىنە بەرگەن سۇحباتىندا جۇمابەك تاشەنەۆتىڭ ۇلى سايان تاشەنەۆ اڭگىمەلەيدى.

«1960 -جىلى قاڭتاردا اكەم قاز ك س ر مينيسترلەر كەڭەسىنىڭ ءتوراعاسى قىزمەتىنە تاعايىندالدى. ارادا ءبىر جىل وتكەن سوڭ وڭتۇستىك قازاقستاننىڭ ماقتا ەگەتىن ءۇش اۋدانىن وزبەكستانعا بەرۋ تۋرالى ايتىلعاندا اكەم بۇل شەشىمگە قارسى شىقتى. ءبىراق ونىڭ قارسىلىعىنا ەشكىم قارامادى. ويتكەنى قاۋلىنىڭ جوباسى ازىرلەنىپ قويعان ەدى. 1962-1964 -جىلى قازاقستان كومپارتياسى ورتالىق كوميتەتىنىڭ ءبىرىنشى حاتشىسى بولعان يسمايل يۋسۋپوۆ ءوز ماقالاسىندا قازاق جەرلەرىن وزبەكستانعا بەرۋ جوباسىن قونايەۆ دايىنداعانىن ايتادى. قازاق ك س ر جوعارى كەڭەسىنىڭ ماتەريال جيناعىندا قونايەۆتىڭ سويلەگەن سوزدەرى جاريالانعان. سوندا دىنمۇحامەت احمەت ۇلى قازاقستان بۇل جەرلەردى «ءوز اعاسىنا» تارتۋ ەتەتىندىگىن ايتىپتى. بۇل اعاسى سول كەزدەگى وزبەك ك س ر كوممۋنيستىك پارتياسىنىڭ ءبىرىنشى حاتشىسى شاراف راشيدوۆ ەدى»، - دەيدى سايان جۇمابەك ۇلى.

سۇحباتتا قونايەۆ پەن تاشەنەۆتىڭ اراسىنداعى قارىم-قاتىناس جايىندا ءسوز بولعان. سايان تاشەنەۆتىڭ ايتۋىنشا، كەڭەستىك قازاقستانداعى ەڭ ىقپالدى ەكى تۇلعا تەك قىزمەت بابىمەن عانا ارالاسقان.

«جاقىندا قازاقستان تاۋەلسىزدىگىنىڭ 30 جىلدىعىنا ارنالعان فيلم شىعادى. وندا قونايەۆ پەن مەنىڭ اكەمنىڭ اراسىنداعى بايلانىس جايلى ەپيزودتار بولعاندىقتان مەنى كەڭەسشىلىككە شاقىردى. الايدا سەناريمەن تانىسىپ شىققان سوڭ مەن ۇسىنىستان باس تارتتىم. وندا تاشەنەۆ پەن قونايەۆتىڭ اراسىنان قىل وتپەگەن دوس بولعانىن سۋرەتتەۋ ءۇشىن كەيبىر وقيعالاردى ويدان قوسقان. ولار تەك قانا قىزمەت بابىمەن عانا اينالىستى. بۇنى ەشقانداي دوستىق قارىم-قاتىناس دەۋگە كەلمەيدى»، - دەيدى قايراتكەردىڭ ۇلى.

تاريحتان بەلگىلى جاقىندا عانا ەل استاناسىنا ەسكەرتكىشى ورناتىلعان جۇمابەك تاشەنەۆ قازاق جەرىنىڭ ءبىرتۇتاستىعىن ساقتاپ قالۋ جولىندا ەرەن ەرلىك كورسەتكەن ازامات. تىڭ جانە تىڭايعان جەرلەردى يگەرۋ دەگەن سىلتاۋمەن قازاقستاننىڭ سولتۇستىگىندەگى 5 وبلىستى رەسەيگە قوسۋعا قارسىلىق تانىتقان. العاشقى جەر داۋىندا ك س ر و-نىڭ كونستيتۋتسياسىن العا تارتقان ازامات كەيىن وڭتۇستىكتەگى 3 وبلىستى وزبەكستانعا بەرۋگە قارسى بولعانى ءۇشىن قۋدالانىپ، ەلدەگى ەڭ جوعارى قىزمەتتەن قاراپايىم وبلىستىق اتقارۋ كوميتەتى ءتوراعاسىنىڭ ورىنباسارلىعىنا دەيىن تومەندەتىلگەن بولاتىن.


دەرەككوز kznews

سوڭعى جاڭالىقتار