ۋكراينا مەن مولدوۆا ەۋرووداققا ۇمىتكەر ەلدەر مارتەبەسىن الدى

None
None
نۇر-سۇلتان. قازاقپارات - ەۋرووداق ۋكراينا مەن مولدوۆا ەۋرووداققا ۇمىتكەر ەلدەر مارتەبەسىن بەردى.

بۇل شەشىم ەۋرووداقتىڭ بريۋسسەلدەگى سامميتىندە ايتىلدى، دەپ حابارلايدى قازاقپارات euronews اقپارات اگەنتتىگىنە سىلتەمە جاساپ.

بۇرىنعى كەڭەستىك ەكى رەسپۋبليكانىڭ ەو مۇشەلىگىنە وتىنىمدەرى رەكوردتىق قارقىنمەن قارالدى. ەۋرووداق ءتوراعاسى بۇل ەلدەردىڭ ەۋروپالىق وداقتاعى كريتەرييلەرگە ساي بولۋ ءۇشىن ۇلكەن وزگەرىستەر جاساپ، كەمشىلىكتەردى تۇزەتۋ كەرەك ەكەنىن ەسكەرتتى. سامميتتە ءسوز سويلەگەن فرانسيا پرەزيدەنتتى ەممانۋەل ماكرون وداقتىڭ ۋكرايناعا پراكتيكالىق كومەك كورسەتكەنىن اتاپ ءوتتى.

«ءبىز جىلدام، تاريحي ماڭىزدى جانە ءبىرتۇتاس شەشىمدەر قابىلدادىق. ۋكرايناعا ماكروەكونوميكالىق، اسكەري، قارجىلىق قولداۋ كورسەتتىك، ەندى وسى ساياسي قيمىلمەن قولداۋ بىلدىرۋدەمىز»، - دەدى فرانسيا پرەزيدەنتتى ەممانۋەل ماكرون.

ەسكە سالا كەتسەك، بۇعان دەيىن ەۋرووداقتىڭ كييەۆكە كانديدات مارتەبەسىن بەرگىسى كەلەتىنى تۋرالى حابارلانعان.

سوڭعى جاڭالىقتار