الماتى وبلىسىندا مەكتەپ وقۋشىلارىنا «جاندى ساباقتار» وتكىزىلدى - فوتو

None
None
نۇر-سۇلتان. قازاقپارات – قازاقستاندا 2022 -جىل بالالار جىلى بولىپ جاريالاندى.

بۇل - كوروناۆيرۋس پاندەمياسىنا بايلانىستى ەكى جىلعا جۋىق قاشىقتان وقىتۋدان كەيىن قازاقستاندىق جاس ۇرپاققا تاعى دا قاجەتتى دەڭگەيدە كوڭىل بولۋگە بولاتىنىن بىلدىرەدى.

بالالار جىلى اياسىندا بالالار اماندىعى ەلىمىزدىڭ تابىستى بولاشاعىنىڭ سەنىمدى كەپىلى دەگەن يدەيانى قولداۋ ماقساتىندا الماتى وبلىسىندا ءداستۇرلى «جاندى ساباقتار» باعدارلاماسى وتكىزىلدى. تولىعىراق Kaz.tengritravel.kz جانە Zhetysu Travel ماتەريالىندا.

وڭىردەگى تۋريزم باسقارماسى بۇگىندە بالالار مەن جاسوسپىرىمدەر تۋريزمى ءارتۇرلى فورمادا بولا الاتىنىن جانە ونى ەكسكۋرسيا جانە تانىمدىق تۇردە وتكىزۋدىڭ ماڭىزى زور ەكەنىن اتاپ ءوتتى. قازاقستاننىڭ تۇكپىر- تۇكپىرىندەگى قىزىقتى ەكسكۋرسيالار بالالاردى وقۋعا باۋلىپ قانا قويماي، سونىمەن قاتار ولاردى تۋعان جەرى تۋرالى كوبىرەك بىلۋگە، ەڭ باستىسى، دۇرىس، ياعني ەكولوگيالىق تازا جانە سانالى ساياحات جاساۋعا ۇيرەتۋگە كومەكتەسەدى.


الماتى وبلىسىنىڭ ZhetysuTravel تۋريستىك اقپاراتتىق ورتالىعىنىڭ باسپا ءسوز قىزمەتى مالىمەتىنشە، 5-10-سىنىپتار اراسىنداعى 200-گە جۋىق بالاعا مەكتەپ باعدارلاماسىن ۆيزۋالدى تۇردە كورسەتۋگە مۇمكىندىك بەرەتىن قازاقستان تاريحى، بيولوگيا، حيميا، ءتىپتى ارحەولوگيا ساباقتارى وتكىزىلدى.

سونىمەن، تالعار جانە ەڭبەكشىقازاق اۋداندارىنىڭ 5-سىنىپ وقۋشىلارى ءۇشىن «جاندى ساباقتار» جوباسى اياسىندا قازاقستان تاريحى بويىنشا ەكسكۋرسيا ساباعى باعدارلاماسىنا ەرەكشە فورماتتاعى «ەسىك» مەملەكەتتىك تاريحي- مادەني مۋزەي- قورىعىنا بارۋ كىردى، سونداي- اق ەسىك كولى جاعالاۋىندا سەرۋەندەۋ. ينتەراكتيۆ ەكسكۋرسيانىڭ ماقساتى - وقۋ ەكسكۋرسيالارىن وقۋ ۇدەرىسىنە كىرىكتىرۋ ارقىلى تاريح تۋرالى ءبىلىمدى كەڭەيتۋ جانە بەكىتۋ، سونداي- اق بالالاردىڭ بولاشاقتا تاريحتى وقۋعا جانە ءبىلىم الۋعا دەگەن قىزىعۋشىلىعىن، قازاقستاننىڭ زياتكەرلىك الەۋەتىن، باسەكەگە قابىلەتتى جانە دەنى ساۋ ۇرپاق قالىپتاستىرۋعا ىقپال ەتۋ.


«جاندى ساباقتاردىڭ» مىندەتى - ءبىر جاعىنان، «ەسىك» مەملەكەتتىك تاريحي- مادەني مۋزەي- قورىعى مەن ەسىك كولىنىڭ تۋريستىك- تاريحي رەسۋرستارىن پايدالانۋ نەگىزىندە وقۋ ورىندارىنىڭ ءبىلىم بەرۋ كەڭىستىگىن ۇلعايتۋ، ەكىنشى جاعىنان، ءبىلىم بەرۋ ەكسكۋرسيالارىن وقىتۋدىڭ يننوۆاتسيا مەن ۇرپاقتى تاربيەلەۋ ادىستەرى رەتىندە قۇرۋ.

تالعار جانە ەڭبەكشىقازاق اۋداندارىنداعى مەكتەپتەردىڭ ەكىنشى توپتاعى 6-7-سىنىپ وقۋشىلارى پانفيلوۆ اۋىلىنداعى GreenEco جىلىجاي كەشەنىندە بيولوگيا ساباعىنا، ودان ءارى تالعارداعى الماتى قورىعىنىڭ تابيعات مۋزەيىنە باردى. بالالار «الماتى وبلىسىن مەكەندەيتىن تۇرلەردىڭ بيوارتۇرلىلىگى. قازاقستاننىڭ قىزىل كىتابى»، سونىمەن قاتار وبلىستىڭ قورعالاتىن بولىگىندە عانا كەزدەسەتىن جەرگىلىكتى جانۋارلار مەن وسىمدىكتەردىڭ سيرەك تۇرلەرىمەن تانىستى.

قاراساي جانە جامبىل اۋداندارى مەكتەپتەرىنىڭ 10-سىنىپ وقۋشىلارى قازاقستان تاريحىنان ەرەكشە ساباققا قاتىستى، ونىڭ قوسىمشا كومپونەنتى - ارحەولوگيا. بالالار الدىمەن «تاڭبالى» قورىق- مۋزەيىنە باردى. جامبىل اۋدانى قاراباستاۋ اۋىلىنداعى تاڭبالى ارحەولوگيالىق لاندشافتىنىڭ پەتروگليفتەرى ورنالاسقان جەر يۋنەسكو الەمدىك مۇراسىنىڭ ءبىر بولىگى سانالادى.


كەلەسى نىسان - الماتى قالاسى ماڭىنداعى قىرعاۋىلدى اۋىلىندا ورنالاسقان «باتىر بابالار» مەموريالدىق كەشەنى، وندا وقۋشىلار تۋعان ەلىنىڭ وتكەنىنە بايلانىستى تاعى ءبىر داڭقتى پاراقپەن تانىستى.


تالدىقورعان جانە تەكەلى قالالارىنىڭ وقۋشىلارى ينتەراكتيۆ ەكسكۋرسيا فورماتىندا حيميادان «جاندى ساباقتارعا» بارىپ، تەكەلى كونديتەرلىك فابريكاسىنا، سونداي-اق الماتى وبلىستىق مۇحامەتجان تىنىشبايەۆ اتىنداعى تاريحي- ولكەتانۋ مۋزەيىنە باردى. «الماتى وبلىسىنىڭ ونەركاسىپ سالاسى جانە ونىڭ قۇرىلۋ تاريحى» تاقىرىبىنداعى لەكتسيانى تىڭداعان وقۋشىلار تاريحي- ولكەتانۋ مۋزەيىنە بارماس بۇرىن كۇش- قۋات الۋ ءۇشىن اتاقتى فابريكا ونىمدەرىن سىناپ كوردى.


ەكسكۋرسيانىڭ ءار قاتىسۋشىسى ۇمىتىلماس ەموتسيا، ۇلكەن اسەر العانىن، ەڭ باستىسى، مەكتەپ باعدارلاماسىنان دا اسىپ تۇسەتىن باعا جەتپەس ناتيجە العانىن مويىندايدى. وقىتۋدىڭ ادەتتەن تىس ءپىشىمى كوپ اقپارات الۋعا، كوبىرەك دەرەكتى ەستە ساقتاۋعا جانە «جاندى ساباقتاردان» بولاشاققا پايدالى نارسە بىلۋگە ​​مۇمكىندىك بەرەدى.


سوڭعى جاڭالىقتار