ەڭ جاس انالار تۇركىستان وبلىسىندا تۇرادى - ۇلتتىق كوميسسيا
ۆەدومستۆونىڭ جازۋىنشا، قازاقستاندىق قوعامدىق دامۋ ينستيتۋتىنىڭ ساراپشىلارى نەكەگە تۇرۋ جاسىنىڭ ۇلعايۋىنا قاتىستى ترەندتىڭ بار ەكەنىن راستاعان.
«ەلىمىزدەگى ايەلدەر تۇڭعىش بالاسىن ورتا ەسەپپەن 25,2 جاسىندا دۇنيەگە اكەلەدى. تۇركىستان وبلىسىنداعى ەڭ جاس انالار - 22,5 جاستا. ەكىنشى ورىندى شىمكەنت قالاسى (23,9 جىل)، ءۇشىنشى ورىندى جامبىل وبلىسى (24 جىل) يەلەنەدى. تۇڭعىشىن ەڭ كەش بوساناتىن انالار - ءىرى قالالاردىڭ تۇرعىندارى. الماتىدا تۋۋدىڭ ورتاشا جاسى – 28، ەلوردادا - 27 جاس»، - دەيدى ۇلتتىق كوميسسيادان.
قازاقستاندىق «رۋحاني جاڭعىرۋ» قوعامدىق دامۋ ينستيتۋتىنىڭ دەرەگىنشە، قازىرگى ۋاقىتتا جاستىق كەزەڭ مەن الەۋمەتتىك نورمالار تۋرالى ءداستۇرلى تۇسىنىكتەر وزگەرىپ جاتىر. بۇل قوعامداعى رەپرودۋكتيۆتى قاتىناستارعا اسەر ەتەدى - ءبىرىنشى بالاسىن بوسانعان انانىڭ جاسى بىرتىندەپ ۇلعايىپ كەلەدى. بۇل ءۇردىس تەك قازاقستاندىق قوعامدا ەمەس، بۇكىل الەمدە بايقالادى.
«مىسالى، نيدەرلاندى، يتاليا، يسپانيا، پورتۋگاليا، گرەتسيا سياقتى ەلدەردە ايەلدەر تەك 30 جاستان كەيىن تۋادى؛ كانادادا، گەرمانيادا، فرانسيادا، نورۆەگيادا، فينليانديادا، شۆەتسيادا - 29 جاستان كەيىن. بۇل دەرەكتەردى ەۋروپالىق ەكونوميكالىق كوميسسيا تاراتقان»، - دەپ تولىقتىرىلعان حابارلاما.
