الماتىدا بەينەكامەرالىق قاداعالاۋ كۇشەيمەك

None
None
الماتى. قازاقپارات - الماتىنىڭ المالى اۋدانىندا «سەرگەك» بەينەكامەرالارىنىڭ سانى 1069 عا دەيىن ارتادى. بۇل تۋرالى الماتى اكىمى ەربولات دوسايەۆ مالىمدەدى، دەپ حابارلايدى قازاقپارات ءتىلشىسى.

اكىمنىڭ ايتۋىنشا، شاھاردىڭ دامۋىندا قوعامدىق قاۋىپسىزدىكتى قامتاماسىز ەتۋ ماسەلەسى وتە وزەكتى. سول ءۇشىن قالادا الدىن الۋ شارالارى قولعا الىنۋدا.

«بيىلعى جىلدىڭ سوڭىنا دەيىن اۋداندا «سەرگەك» كامەرالارىنىڭ سانىن 122 گە ارتتىرىپ، 1069 بىرلىككە دەيىن جەتكىزۋ جوسپارلانۋدا. ادامداردىڭ جاپپاي جينالاتىن ورىندارعا قوسىمشا 541 بەينەكامەرا، ونىڭ ىشىندە 200 ءى اۋلالاردا، 118 ءى ساياباق، الاڭدارعا جانە 223 قيىلىستارعا ورناتىلادى. بۇل رەتتە ايتا كەتەيىن، بۇرىن بيۋدجەت ەسەبىنەن اۋلالاردا كامەرالار ورناتىلماعان بولاتىن»، - دەدى الماتى اكىمى.

ەسكە سالايىق، الماتىدا «سەرگەك» جۇيەسىنىڭ جاڭا فۋنكسياسى ىسكە قوسىلعانىن حابارلاعان بولاتىنبىز.


سوڭعى جاڭالىقتار