باقىت سۇلتانوۆ: رەسەي قانت ەكسپورتىنا شەكتەۋى تۋرالى بىزگە سوڭعى ساتتە ايتتى
ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن مينيستر رەسەيدىڭ ەۋرازيالىق ەكونوميكالىق وداق اياسىنداعى قانت ەكسپورتىنا شەكتەۋ قويۋ تۋرالى شەشىمىن تىم كەش ەستىگەنىن ايتتى.
«قانتتى زاۋىتتار وندىرەدى. ولار قاجەتتى شيكىزاتتى ءوز بەتىمەن ساتىپ الادى. ال ول نارىق كونيۋكتۋراسىنا بايلانىستى. قازىر نارىق بىلاي قالىپتاسىپ وتىر. ءبىز يمپورتپەن كەلەتىن قانتتىڭ شامامەن 70 پايىزىن ىرگەدەگى رەسەيدەن الىپ كەلدىك. ويتكەنى ول برازيليادان قانت تاسىعانعا قاراعاندا الدەقايدا ارزانعا تۇسەتىن. قانت ەكسپورتى شەكتەلەتىنى تۋرالى سوڭعى ساتتە حابارلادى. سوندىقتان لوگيستيكانىوزگەرتىپ جاتىرمىز. ياعني، بۇل جەردە ەشقانداي قاتە ەسەپ بولعان جوق»، - دەدى باقىت سۇلتانوۆ.
ەسكە سالساق، بۇعان دەيىن ءماجىلىس دەپۋتاتى فاحريددين قاراتايەۆ ۆيتسە-پرەمەر رومان سكليارعا جولداعان دەپۋاتتىق ساۋالىندا قانت تاپشىلىعىن شەشۋدىڭ جولدارىن ۇسىنعان ەدى.
اۆتور: مارلان جيەمباي
