وتىز جىل بۇرىن وسى كۇنى ىشكى ىستەر ورگاندارى تۋرالى زاڭ قابىلداندى

None
None
نۇر-سۇلتان. قازاقپارات - وسىدان تۋرا 30 جىل بۇرىن قازاقستان پوليتسياسى قۇرىلعان بولاتىن، دەپ حابارلايدى قازاقپارات ءتىلشىسى.

23-ماۋسىم - قازاقستان پوليتسياسىنىڭ كۇنى رەتىندە اتالىپ ءوتىپ كەلە جاتقانىنا 15 جىل تولىپ وتىر. ياعني، 2007 -جىلى وسى كۇنى قازاقستاندا پوليتسيا كۇنى رەتىندە بەكىتىلگەن بولاتىن. ويتكەنى 1992 -جىلعى 23-ماۋسىمدا قازاقستان جوعارعى كەڭەسى «قازاقستان رەسپۋبليكاسى ىشكى ىستەر ورگاندارى تۋرالى» زاڭ قابىلداعان ەدى. بۇل كۇنى ىشكى ىستەر ساپىنداعى پوليتسيا قىزمەتكەرلەرىنە قۇرمەت كورسەتىلىپ، تابىستى جۇمىسىمەن كوزگە تۇسكەندەر ماراپاتتالادى.

ايتا كەتۋ كەرەك، پرەزيدەنت قاسىم-جومارت توقايەۆتىڭ تاپسىرماسى بويىنشا قازاقستان پوليتسياسى سەرۆيستىك مودەلگە كوشۋ رەفورماسىن باستان وتكەرىپ جاتىر.

ناقتىراق ايتساق، ۋچاسكەلىك پوليتسيا ينسپەكتورىنىڭ جاڭا بەينەسىن قالىپتاستىرۋ باعىتىندا كەشەندى شارالار قابىلدانۋدا. اكىمشىلىك جازا قولدانۋ تۋرالى قاۋلىنىڭ مارتەبەسى زاڭدى تۇردە ارتىپ، وكىلەتتەرى كەڭەيتىلىپ جاتىر. پوليتسيا وكىلدەرىنىڭ جۇمىس فورماسى دا رەفورماعا ۇشىرادى. بۇرىنعى قاتاڭ تارتىپتەگى كيىمنىڭ ورنىنا قيمىلعا وڭتايلى، ىقشام ستيلدەگى فورمالار ەنگىزىلىپ جاتىر.

سوڭعى جاڭالىقتار