ب ا ءا بيلىگى جازدا كولىكتەردىڭ ورتەنۋىنە جول بەرمەۋ ءۇشىن ۇسىنىستار ازىرلەدى

None
None
ابۋ- دابي. قازاقپارات - ابۋ- ءدابيدىڭ ازاماتتىق قورعانىسى كولىك جۇرگىزۋشىلەرىنە ىستىق اۋا رايىندا اۆتوكولىكتەردىڭ ورتەنۋى مۇمكىن ەكەنىن ەسكەرتتى.

وسىنداي وقيعالاردى بولدىرماۋ ءۇشىن جۇرگىزۋشىلەردى كولىكتەرىن ۇنەمى تەكسەرىپ وتىرۋعا شاقىردى، دەپ حابارلادى قازاقپارات ءتىلشىسى Khaleej Times قا سىلتەمە جاساپ.

ابۋ- دابي ازاماتتىق قورعانىس باسقارماسىنىڭ باس ديرەكتورى، بريگادير گەنەرال مۇحاممەد يبراحيم ءال امەري اۆتوموبيل ورتتەرىنىڭ كوپشىلىگى جۇرگىزۋشىلەردىڭ قاۋىپسىزدىك پەن الدىن- الۋ شارالارىن ەلەمەۋىنەن بولاتىنىن ايتتى. ولارعا ول كولىك قۇرالدارىنا مەرزىمدى تەحنيكالىق قىزمەت كورسەتىلمەۋى، اۆتوموبيل جۇيەسىندەگى ەلەكترلىك جانە تەحنيكالىق اقاۋلار، تۇراقتاعى كولىكتەردىڭ ىشىندە قولدى تازارتقىش قۇرالدار، پارفيۋمەريا جانە وتتىقتار سياقتى جانعىش زاتتاردىڭ قالۋى جاتادى.

اۆتوكولىكتەگى ورتتەردىڭ الدىن الۋ ءۇشىن ولاردىڭ يەلەرىنە اۆتوموبيلدىڭ سالقىنداتۋ جۇيەسىن، قوزعالتقىش مايىنىڭ دەڭگەيىن ۇنەمى تەكسەرىپ، باقىلاۋعا الۋ، ارنايى تەحنيكالىق ماماننىڭ جۇيەلى تۇردە قىزمەتىنە جۇگىنۋ، جانارماي باگىنىڭ قاقپاعىن مىقتاپ جابۋ، مايدىڭ اعىپ كەتۋىنە جول بەرمەۋ جانە قىزىپ كەتكەن اۆتوموبيلدىڭ جانىندا تەمەكى شەگۋدەن باس تارتۋ ۇسىنىلدى. سونداي- اق جۇرگىزۋشىلەرگە كولىكتە ءورت سوندىرگىش پەن العاشقى كومەك قوبديشاسىن ۇستاۋعا كەڭەس بەرىلدى.

«دەزينفەكتسيالاۋ قۇرالدارىنىڭ قۇرامىندا جانعىش الكوگول كومپونەنتتەرى بار، سوندىقتان ولاردى كولىكتەردە قالدىرۋعا بولمايدى. جۇرگىزۋشىلەر، اسىرەسە كۇن ساۋلەسى تىكەلەي تۇسەتىن جەردە تۇرعاندا، كولىگىنىڭ تەرەزەلەرىن تولىعىمەن جاپپاۋى كەرەك»، - دەدى بيلىك وكىلدەرى.

ءساۋىر ايىندا دۋباي امىرلىگىنىڭ پوليتسياسى وسى جىلدىڭ العاشقى ءتورت ايىندا كولىك قۇرالدارىنداعى، اۆتوبۋستار مەن اۋىر جۇك كولىكتەرىن قوسا العاندا، 94 ءورتتى سوندىرۋگە قاتىسقانىن حابارلادى.

سوڭعى جاڭالىقتار