تەننيسشى زارينا دياس بيىلعى جارىستارعا قاتىسا المايتىنىن مالىمدەدى

None
None
نۇر- سۇلتان. قازاقپارات - قازاقستاندىق تەننيسشى زارينا دياس بيىلعى جارىستارعا قاتىسا المايتىنىن مالىمدەدى، دەپ حابارلايدى قازاقپارات ءتىلشىسى. قازاقستاندىق سپورتشى جاراقاتى مەن دەنساۋلىعىنداعى كىناراتقا بايلانىستى ءوزىنىڭ سۇيىكتى ۋيمبلدون جانە باسقا تۋرنيرلەردە ونەر كورسەتپەيتىنىن جاريا ەتتى.

«بۇل مەن ءۇشىن، ارينە، اۋىر. ءبىراق ەشتەڭە ىستەي المايسىڭ، وسىعان كوندىگىپ، دەنساۋلىعىمدى قالپىنا كەلتىرۋدى باستاۋ قاجەت. ءسويتىپ 2023 -جىلى كورتقا تىڭ كۇشپەن ورالۋ كەرەك. سوڭعى ايلاردا قيىندىقتى جەڭە وتىرىپ، اۋىرسام دا، جاتتىعۋعا تۋرا كەلدى. قازىر ەندى دەنساۋلىقتى كۇتىپ، جاڭا ماۋسىمعا دايىندىقتى بارىنشا تەزىرەك باستاۋعا تىرىسسام با دەيمىن. جانكۇيەرلەرىمە سەنىمدەرىڭىز ءۇشىن العىسىمدى ايتامىن. وزدەرىڭىزدى ساقتاڭىزدار!»، دەدى زارينا دياس.

كەزىندە الەمدىك رەيتينگتە 31-ورىنعا دەيىن كوتەرىلگەن زارينا كۇنى بۇگىن 200-ساتىدا تۇر. ەسكە سالا كەتەيىك، بۇدان بۇرىن گريگوري لوماكيننىڭ ميلاندا جارىستىڭ ءبىرىنشى راكەتكاسىن ۇتقانىن، ميحايل كۋكۋشكيننىڭ ۋيمبلدوندا ىرىكتەۋ سايىستارىنىڭ فينالىنا شىققانىن جازعان بولاتىنبىز.


سوڭعى جاڭالىقتار