قاڭتار وقيعاسىندا كارىم ءماسىموۆ پەن سامات ءابىش جۇمىس ورنىندا بولعان – ۇ ق ك
ۇ ق ك ءتوراعاسىنىڭ ورىنباسارى پارلامەنت ماجىلىسىندە تىلشىلەر ساۋالىنا جاۋاپ بەرۋ بارىسىندا قاڭتار وقيعاسى كەزىندە كارىم ءماسىموۆ پەن سامات ءابىش جۇمىس ورنىندا بولعانىن ايتتى.
«ولار قانداي بۇيرىقتار بەرگەنىن ايتا المايمىن. قازىرگى كەزدە تەرگەۋ بارىسىندا وسى بۇيرىقتارعا ەگجەي- تەگجەيلى تالداۋ جۇرگىزىلىپ جاتىر»، - دەدى اسقار ءامىرحانوۆ.
سونىمەن قاتار تىلشىلەر ك. ءماسىموۆ پەن ونىڭ بۇرىنعى ورىنباسارلارىن قاماۋدا ۇستاۋ مەرزىمى قاشانعا دەيىن ۇزارتىلاتىنىن سۇرادى.
«بۇل ىسكە قاتىستى كۇزگە قاراي ايقىن بولادى دەپ ويلايمىن. ءىس ماتەريالدارى قۇپيالانعان»، - دەدى ول.
ا. ءامىرحانوۆ اتالعان ىستە مەملەكەتتىك قۇپيا مالىمەتتەرى بار ەكەنىن، سوتتىڭ اشىق نەمەسە جابىق تارتىپتە ءوتۋىن سوت ورگاندارى شەشەتىنىن اتاپ ءوتتى. بۇدان بۇرىن حابارلانعانداي، بيىل ماۋسىم ايىنىڭ باسىندا ق ر ۇلتتىق قاۋىپسىزدىك كوميتەتىنىڭ ەكس- ءتوراعاسى كارىم ءماسىموۆتى قاماۋدا ۇستاۋ مەرزىمى تاعى ۇزارتىلدى.
ق ر ۇلتتىق قاۋىپسىزدىك كوميتەتى ءتوراعاسىنىڭ ورىنباسارى اسقار ءامىرحانوۆتىڭ سوزىنە قاراعاندا، تەرگەۋ امالدارى اياسىندا سامات ابىشتەن جاۋاپ الىنىپ جاتىر.
اۆتور: رۋسلان عابباسوۆ
