شەكارادا تاركىلەنگەن تاۋارلار بالالار جانە قارتتار ۇيلەرىنە بەرىلدى

16 الەۋمەتتىك مەكەمەنىڭ اراسىندا بالالار ۇيلەرى مەن قارتتار ۇيلەرى بار. 2021 -جىلدىڭ ءساۋىر ايىندا «باقتى» كەدەن بەكەتىندە شىعىس قازاقستان وبلىسى بويىنشا مەملەكەتتىك كىرىستەر دەپارتامەنتىنىڭ قىزمەتكەرلەرى دەكلاراتسيادان وتپەگەن حالىق تۇتىناتىن تاۋارلاردى (اياق كيىم، كيىم، ويىنشىقتار، ونەرگە ارنالعان ) تاركىلەگەن بولاتىن. 982 قوراپتاعى تۋاردىڭ كەدەندىك قۇنى 42 ميلليون تەڭگە. تاۋار ەاەو ارقىلى ۆەنگرياعا ترانزيتپەن وتكەن. اتالعان دەرەك بويىنشا قىلمىستىق ءىس قوزعالدى. «سوتقا دەيىنگى تەرگەپ- تەكسەرۋ شەڭبەرىندە سەمەي كولىك پروكۋراتۋراسى قاۋلى شىعارىپ، ونىڭ اياسىندا زاتتاي دالەلدەمەلەر بولىپ تابىلاتىن حالىق تۇتىناتىن تاۋارلار كەرى ەكسپورت كەدەندىك راسىمىنە ورنالاستىرۋ ءۇشىن شقو بويىنشا م ك د- عا بەرىلدى. الايدا تاسىمالداۋشى دا، تاۋاردىڭ يەسى دە كەرى ەكسپورت كەدەندىك ءراسىمىن مالىمدەۋ ءۇشىن شارا قابىلدامادى. شارالاردىڭ قابىلدانباۋىنا بايلانىستى تاۋار ۋاقىتشا ساقتاۋ قويماسىنا ورنالاستىرىلدى»، - دەلىنگەن مەملەكەتتىك كىرىستەر دەپارتامەنتىنىڭ حابارلاماسىندا.

وسىعان وراي، دەپارتامەنتتە تۇراقتى جۇمىس ىستەيتىن كوميسسيا پايدالانۋعا جارامدى تاۋارلاردى بالالار ۇيلەرىنە، قارتتار مەن مۇگەدەكتەر ۇيلەرىنە، بالاباقشالارعا، مەكتەپتەرگە، مەديتسينالىق- الەۋمەتتىك مەكەمەلەرگە نە ارناۋلى الەۋمەتتىك قىزمەتتەر كورسەتەتىن سۋبەكتىلەرگە تاراتىپ بەرۋ تۋرالى شەشىم قابىلدادى. ءبولىپ بەرۋدى جەرگىلىكتى اتقارۋشى ورگاندار جۇزەگە اسىرادى.