ءبىز ءمان بەرمەيتىن ەڭ ماڭىزدى قۇندىلىقتار

None
None
نۇر- سۇلتان. قازاقپارات - ادام بولىپ ءومىر سۇرگەننەن كەيىن ومىرگە دەگەن قۇشتارلىق، ونى ءسۇرۋ، ونى يگەرۋ، ونى باسىپ ءجۇرۋ مىندەتىمىز.

قانداي جاعداي بولماسىن ەڭبەكتەنۋ، جۇمىس جاساۋ - قاجەتتىلىگىمىز. كۇندەلىكتى ومىردە ءسىز بەن ءبىز ءمان بەرمەي كەتەتىن قۇندىلىقتار بار. ءتىپتى ول دۇنيەلەر كوزگە كورىنبەيدى. سوندىقتان بولار ولاردىڭ ءمانىن تۇسىنە بەرمەيمىز.

ۋاقىت

ۋاقىت - كوزگە كورىنبەيتىن ءبىراق اعىسى قاتتى قۇبىلىس. ادامزات بالاسىنىڭ بۇكىل عۇمىرى وسى ۋاقىتقا تاۋەلدى. ءبىز تاۋەلدى ەكەنىمىزدى مويىندايمىز ءبىراق ءمان بەرمەيمىز. «ءالى ۋاقىت بار» دەيمىز، شىندىعىندا ول جوق. ۋاقىتتى دۇرىس پايدالانباۋ، ۋاقىتى كەلگەن كەزدە وكىنىشكە الىپ كەلەتىنىن ۇمىتپاڭىز.

تيىن-تەبەن

ءيا، اقشا دا قۇندىلىق ەكەنىن بىلە ءجۇرىڭىز. ءبىز تەك ءىرى كولەمدەگى اقشانىڭ قادىرىن بىلەمىز. ال كۇندەلىكتى قالتانىڭ تۇبىندە جۇرگەن بەس-ون تيىننىڭ قادىرىن بىلگەن ەمەسپىز.

سەبەبى «ول نەگە جەتەدى؟» دەپ ويلايمىز. شىندىعىندا سول ون تەڭگە دۇكەندە، قوعامدىق كولىكتە، ءتىپتى ماڭىزدى ءبىر تولەم جاساعان كەزدە تابىلماي كەتەدى.

دەنساۋلىق

ادامنىڭ ەڭ قۇندى بايلىعى - دەنساۋلىق. ءبىراق ءبىز وعان ءمان بەرمەيمىز. سەبەبى اۋىرماساق بولدى. باستىسى بارمىز جانە ءتىرىمىز دەگەن تۇسىنىك. ال ونىڭ قادىرىن تەك اۋىرعان كەزدە بارىپ بىلەمىز.

وعان دەيىن تەكسەرىلىپ، نە جاعداي بولىپ جاتقانىن ويلامايمىز.

تۋىس

تۋىس - ءاردايىم جانىڭنان تابىلۋ كەرەك قامقورشىڭ. ءبىراق ءبىز وعان دا ءمان بەرمەيمىز. باستىسى بار دەگەن ۇعىممەن جۇرەمىز. ولاردىڭ قالىن، جاعدايىن ءبىلۋ، ۇيىنە بارىپ قوناق بولىپ، ۇيگە شاقىرۋ دەگەن سىندى داستۇرلەردى ۇمىتىپ كەتتىك.

سەبەبى جوعارىدا اتاپ وتكەن ۋاقىتتىڭ قادىرىن بىلمەيمىز. تۋىستى تەك قارىزعا اقشا العان كەزدە نەمەسە توي بولعان كەزدە عانا ەسكە الامىز.

بالكىم ول ءسىزدىڭ كومەگىڭىزگە مۇقتاج شىعار، ويلانىڭىز. اتا-انا ولار بار بولعان كۇننىڭ وزىندە قادىرىن بىلمەيمىز. ىزدەمەيمىز، حابارلاسپايمىز، بارمايمىز.

جاعدايلارىن تەك الىستان تەلەفون ارقىلى بىلەمىز. جىلىنا از كورىسەمىز. جۇمىس دەپ قالىپ قويامىز. ءبىراق ولاردىڭ ءسىزدى ومىرگە اكەلگەنىن، باعىپ-قاققانىن ۇمىتىپ كەتەمىز.

اتا-انا - دۇنيەدەگى ەڭ ۇلى قۇندىلىق. تەك ءمان بەرمەيمىز. سەبەبى ءتىرى ءارى قاسىمىزدا دەگەن قاتە تۇسىنىك بار.

تابيعات

تابيعاتتى ايالاۋ، ونى قورعاۋ تۋرالى جىل سايىن ءتۇرلى شارالار وتەدى. ءتىپتى حالىقارالىق دەڭگەيدە بولادى. ءبىراق ءبىز وعان ءمان بەرمەيمىز.

«كوك ءشوپ قوي!» دەيمىز، كەتىپ بارا جاتىپ جاپىراقتاردى دا جۇلامىز. قايتا وسەدى دەيمىز. ءبىراق ءسىز بەن ءبىز ءدال سول كوك ءشوپ پەن جاپىراقتان قانشا تازا اۋا بولىنەتىنىن، ولاردىڭ قانداي توزاڭداردى وزىنە تارتىپ، ادامدارعا تىنىس سىيلايتىنىن سەزىنبەيمىز.

Massaget.kz

سوڭعى جاڭالىقتار