قازاقستان تۋريستەرى ءۇشىن تيان- شان تاۋلى ايماعىندا ەكى وتكەل اشىلادى

None
None
نۇر- سۇلتان. قازاقپارات – 1 - شىلدەدەن باستاپ تاۋ تۋريزمىمەن شۇعىلداناتىن قازاقستاندىقتار ءۇشىن قىرعىزستانمەن شەكارالاس ايماقتا 2 وتكەل اشىلادى.

مۇنداي حابارلاما مادەنيەت جانە سپورت مينيسترلىگىنىڭ رەسمي سايتىندا جاريالاندى، دەپ حابارلايدى قازاقپارات ءتىلشىسى.

ەستەرىڭىزگە سالا كەتەيىك، پرەزيدەنت قاسىم- جومارت توقايەۆتىڭ 26- مامىرداعى قىرعىزستانعا رەسمي ساپارى بارىسىندا ەكى ەلدىڭ باسشىلارى بىرلەسكەن مالىمدەمەلەرگە قول قويدى. سونىڭ ءبىرى - تۋريزم سالاسىنداعى ىنتىماقتاستىقتى جانداندىرۋ، ءوزارا تۋريستىك اعىندى ۇلعايتۋ تۋرالى ۋاعدالاستىق ەدى. وسىعان بايلانىستى مادەنيەت جانە سپورت مينيسترلىگى تۋريستەر قاۋىمداستىعىمەن جانە «اتامەكەن» كاسىپكەرلەر پالاتاسىمەن بىرلەسىپ پيلوتتىق جوبا ازىرلەدى. قۇجات قىرعىز رەسپۋبليكاسى جوگوركۋ كەنەشىنىڭ كوشى- قون كوميتەتىمەن كەلىسىلگەن.

«اتقارىلعان جۇمىستىڭ ناتيجەسىندە 1- شىلدەدەن باستاپ تيان- شان تاۋلى ايماعىنداعى «وزەرنىي» جانە «سارى بۇلاق» اسۋلارى ارقىلى تۋريستىك توپتاردى وتكىزۋ ۇيىمداستىرىلادى»، - دەلىنگەن حابارلامادا.

ۆەدومستۆو اقپاراتىنا سايكەس، ق ر سىرتقى ىستەر مينيسترلىگى 9- ماۋسىمدا ەكى وتكەلدى اشۋعا قاتىستى قىرعىز رەسپۋبليكاسىنا نوتا جولداعان. قازىرگى ۋاقىتتا قازاقستاندىق تاراپ كورشى مەملەكەتتەن جاۋاپ كۇتىپ وتىر.

اۆتور: ءاليحان اسقار

سوڭعى جاڭالىقتار