مۇناي ونىمدەرىن وتكىزۋ كەزىندە دەلدالدارعا توسقاۋىل قويۋ تالاپتارى كۇشەيتىلەدى
بۇل تۋرالى پارلامەنت ماجىلىسىندە مەملەكەت باسشىسىنىڭ جەكەلەگەن تاپسىرمالارىن ىسكە اسىرۋ ماسەلەلەرى بويىنشا زاڭ جوباسىن تانىستىرۋ كەزىندە ق ر ۇلتتىق ەكونوميكا ۆيتسە- ءمينيسترى ابزال ابدىكارىموۆ ايتتى، دەپ حابارلايدى قازاقپارات ءتىلشىسى.
«جانار- جاعارماي سالاسىن رەفورمالاۋ بلوگىنا توقتالساق، كوتەرمە ساۋدا ارقىلى جەتكىزۋشىلەرگە قويىلاتىن تالاپتاردى قاتاڭداتۋ جولىمەن، مۇناي ونىمدەرىن وتكىزۋ كەزىندە دەلدالدارعا توسقاۋىل قويۋدى كوزدەيتىن تۇزەتۋلەر ۇسىنىلدى»، - دەدى ا. ابدىكارىموۆ.
ونىڭ ايتۋىنشا، زاڭ جوباسى اياسىندا باعانى مەملەكەتتىك ۋاقىتشا رەتتەۋ كەزەڭىندە گاز تۋرالى زاڭنامانى سۇيىتىلعان مۇناي گازىن ءبولۋ بولىگىندەگى وزگەرىستەرگە سايكەس كەلتىرۋ ۇسىنىلىپ وتىر. مۇنىمەن قوسا، ەكونوميكالىق جاعدايدى ەسكەرە وتىرىپ، كەدەندىك- تاريفتىك جانە تاريفتىك ەمەس رەتتەۋ ءىس- شارالارىن بەلگىلەۋگە باعىتتالعان نورماتيۆتىك قۇقىقتىق اكتىلەردى قابىلداۋ مەرزىمدەرىن قىسقارتۋدى كوزدەيتىن تۇزەتۋلەر قاراستىرىلعان.
«سونداي- اق كەدەندىك- تاريفتىك جانە تاريفتىك ەمەس رەتتەۋ شارالارىن قولدانۋ اياسىندا ۇكىمەت پەن مەملەكەتتىك ورگانداردىڭ وكىلەتتىكتەرىن كەڭەيتۋ ەسكەرىلگەن»، - دەدى ۆيتسە- مينيستر.
بۇدان بۇرىن حابارلانعانداي، بۇگىن پارلامەنت ماجىلىسىندە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەت باسشىسىنىڭ جەكەلەگەن تاپسىرمالارىن ىسكە اسىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تانىستىرىلدى.
