اقمولا وبلىسىندا شەنەۋنىكتەر كاسىپكەرلەردەن پارا العان

None
None
كوكشەتاۋ. قازاقپارات - اقمولا وبلىسىندا قىزمەت بابىن اسىرا پايدالانىپ، كاسىپكەرلەردەن پارا جانە زاڭسىز سىياقى العان شەنەۋنىكتەرگە سوت ۇكىمى شىقتى، دەپ حابارلايدى قازاقپارات ءتىلشىسى.

اقمولا وبلىسى بويىنشا سىبايلاس جەمقورلىققا قارسى ءىس- قيمىل دەپارتامەنتى باسپا ءسوز قىزمەتىنىڭ مالىمەتىنشە، بيىلعى جىلعى ماۋسىمنىڭ 14 ىندە كوكشەتاۋ قالالىق سوتى ق ر ا ش م اگروونەركاسىپتىك كەشەندەگى مەملەكەتتىك ينسپەكسيا كوميتەتىنىڭ كوكشەتاۋ قالالىق اۋماقتىق ينسپەكتسياسى باسشىسىنىڭ مىندەتىن اتقارۋشى بولىپ ىستەگەن ەرلان تاستانوۆقا قاتىستى ايىپتاۋ ۇكىمىن شىعاردى. سوت ۇكىمىمەن وعان 2500000 تەڭگە كولەمىندە ايىپپۇل تۇرىندە جازا تاعايىندالدى. سونىمەن قاتار، سوت كوكشەتاۋ قالالىق اۋماقتىق ينسپەكسياسىنىڭ باس مامانى - وسىمدىكتەر كارانتينى جونىندەگى ينسپەكتورى ايناگۇل يسمايلوۆاعا دا 2000000 تەڭگە كولەمىندە ايىپپۇل سالدى.

«تەرگەۋ بارىسىندا انىقتالعانداي، تاستانوۆ پەن يسمايلوۆا الدىن الا ءسوز بايلاسىپ، 2022 -جىلدىڭ قاڭتار- اقپان ايلارى ارالىعىندا اكىمشىلىك جاۋاپكەرشىلىككە تارتىلماۋى جانە كارانتيندىك سەرتيفيكاتتاردى ءىس جۇزىندە تەكسەرۋگە شىقپاستان بەرگەنى ءۇشىن كاسىپكەرلىك سۋبەكتىلەرىنەن پارا جانە الداۋ ارقىلى زاڭسىز ماتەريالدىق سىياقى العان»، - دەدى ۆەدومستۆودان.

سوت ايىپتالۋشىلاردى ءومىر بويىنا مەملەكەتتىك قىزمەتتە جانە كۆازيمەملەكەتتىك سەكتوردا لاۋازىمدى قىزمەت اتقارۋ قۇقىعىنان ايىردى. سونىمەن بىرگە، سوت جەكە كاسىپكەر وكىلى اينا قازەنوۆانى پارا بەرۋ دەرەگى بويىنشا كىنالى دەپ تانىپ، وعان 300000 تەڭگە كولەمىندە ايىپپۇل سالدى. سوت ۇكىمى زاڭدى كۇشىنە ەنگەن جوق. ايتا كەتسەك، بۇدان بۇرىن اقمولا وبلىسىندا الەۋمەتتىك قىزمەت كورسەتۋ ورتالىعىنىڭ باسشىلىعى 17 ميلليون تەڭگەنى جىمقىرعانى جاريالانعان بولاتىن .



سوڭعى جاڭالىقتار