بالاباقشاعا كەزەكتىڭ ءبىرىڭعاي بازاسى قۇرىلادى

None
None
نۇر-سۇلتان. قازاقپارات - بالاباقشاعا كەزەكتىڭ ءبىرىڭعاي بازاسى قۇرىلادى. بۇل جايىندا قر وقۋ- اعارتۋ ۆيتسە- ءمينيسترى عاني بەيسەمبايەۆ ايتتى، دەپ حابارلايدى قازاقپارات ءتىلشىسى.

«مەكتەپ جاسىنا بالالار ءۇشىن جوسپارلانعان 34 مىڭنان استام ورىندى قامتيتىن 322 بالاباقشانىڭ اشىلادى، 9,4 مىڭ ورىنعا ارنالعان 130ى 5-ايدا اشىلادى. جىل سوڭىنا دەيىن 3-6 جاستاعى بالالاردى بالاباقشالارمەن قامتۋ 99,3 پايىزعا دەيىن جەتكىزۋ بەلگىلەنگەن. جەكەمەنشىك بالاباقشالاردا ورىن العان كەلەڭسىزدىكتەرگە جول بەرمەۋ ءۇشىن قاۋىپسىزدىك شارالارىن كۇشەيتىپ، بىلىكتى ماماندارمەن قامتاماسىز ەتۋ، سونداي- اق بەينەباقىلاۋ، جيھازبەن جابدىقتاۋ تالاپتارىنىڭ ورىندالۋىن قاداعالاۋ، مەملەكەتتىك تاپسىرىستىڭ ساپاسىن ۆاۋچەرلىك تەتىك ارقىلى جاقسارتتۋ كوزدەلگەن»، - دەدى ول مينيسترلىكتىڭ اپپارات جينالىسىندا.

ۆيتسە-ءمينيستردىڭ دەرەگىنشە، بيىل 15 مىڭنان استام تاربيەشى جاڭا مودەل بويىنشا ءتيىستى كۋرستاردان وتۋدە. بۇل ءوز كەزەگىندە تاربيلەۋ ساپاسىن جاقسارتۋعا وڭ ىقپال ەتپەك.

«اشىقتىقتى قامتاماسىز ەتۋ ءۇشىن كەزەكتىلىكتىڭ ءبىرىڭعاي بازاسىن قۇرۋ جۇمىس جۇرگىزىلىپ جاتىر. جاڭا وقۋ جىلىندا ۇزدىك بالاباقشالار نەگىزىندە 34 قۇزىرەتتىلىك ورتالىعىن اشۋ جوسپارلانىپ وتىر. بيىل العاش رەت 25 مىڭنان استام بالانى وقۋ ورىندارىنا ءقاۋىپسىز تاسىمالداۋ ءۇشىن ارنايى مەكتەپ اۆتوبۋستارىنىڭ اۆتوپاركى اۋقىمدى تۇردە جاڭارتىلۋدا. اكىمدىكتەر 515 مەكتەپ اۆتوبۋسىن ساتىپ الادى. العاشقى اۆتوبۋستار وسى ايدىڭ ىشىندە اقمولا وبلىسىنا جەتكىزىلە باستايدى»، - دەدى عاني بەيسەمبايەۆ.



اۆتور: مارلان جيەمباي


سوڭعى جاڭالىقتار