جاڭا وقۋ جىلىندا «سيفرلىق رەپەتيتور» جوباسى ىسكە قوسىلادى

None
None
نۇر-سۇلتان. قازاقپارات - «جاڭا وقۋ جىلىنا دەيىن «سيفرلىق رەپەتيتور» جوباسى ىسكە قوسىلۋى ءتيىس.

بۇل تۋرالى ق ر وقۋ- اعارتۋ ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«بالالار ءۇشىن «سيفرلىق رەپەتيتور» جوباسىن باستاپ جاتىرمىز. ونى تامىز ايىنىڭ سوڭىنا قاراي ىسكە قوسۋىمىز كەرەك. جاڭا وقۋ جىلىنىڭ قارساڭىندا ارناۋلى توپتاعى بالالار وسى جوبا بويىنشا جۇمىسىن باستاۋى ءتيىس. وقۋ جىلىنا دايىندىعىمىز دا وسىعان بايلانىستى بولادى»، - دەدى اسحات ايماعامبەتوۆ مينيسترلىكتىڭ اپپارات جينالىسىندا.

ايتا كەتەيىك، وتەن جىلى ۇكىمەت وتىرىستارىنىڭ بىرىندە اسحات ايماعامبەتوۆ اۋىل وقۋشىلارى ءۇشىن «سيفرلىق رەپەتيتور» جوباسىن ەنگىزۋ قاراستىرىلىپ جاتقانىن مالىمدەگەن بولاتىن. جوبا اياسىندا الەۋمەتتىك وسال وتباسىدان شىققان بالالار، ياعني 500 مىڭعا جۋىق وقۋشى اپتا سايىن تەگىن ماتەماتيكا، ءتىل نەمەسە جاراتىلىستانۋ پاندەرىنەن كەمىندە 3 قوسىمشا ساباق الا الادى.


سوڭعى جاڭالىقتار