پاۆلودار وبلىسىن جاۋلاعان جىبەكقۇرتتاردىڭ اۋماعى ۇلعايىپ بارادى
پاۆلودار بلىستىق جەر قويناۋىن پايدالانۋ، قورشاعان ورتا جانە سۋ رەسۋرستارى باسقارماسىنىڭ مالىمەتىنشە، جىبەكقۇرتتار اققۋلى، پاۆلودار، تەرەڭكول، ەرتىس، جەلەزين اۋداندارىندا انىقتالعان. ەڭ كوبى جەلەزين (14328 گ ا) مەن تەرەڭكول (11164 گ ا) اۋداندارىندا بايقالدى.
«قازىرگى ۋاقىتتا ورمان كۇزەتىمەن ورمان اعاشتارىنا مونيتورينگ جاسالدى. ماتەريالدار رەسپۋبليكالىق ورمان سەلەكتسيالىق- تۇقىم ورتالىعىنا جىبەرىلدى. ورماننىڭ وسى زيانكەستەرىمەن كۇرەسۋ ءۇشىن قانداي شارالار قولدانۋ كەرەكتىگىن انىقتاۋ جانە رەسپۋبليكالىق بيۋدجەتتەن قارجىلاندىرۋ كولەمىن بەلگىلەۋ ءۇشىن ورمان پاتولوگى مامانىمەن ۋچاسكەلەردى زەرتتەۋ جۇمىستارى جوسپارلانۋدا، - دەدى باسقارمادان.
ورمان پاتولوگى قازىر «ەرتىس ورمانى» رەزەرۆاتىندا. ول قۇرتتىڭ ءتۇرىن انىقتاپ، جوعارىدا اتالعان زەرتتەۋلەردى جۇرگىزەدى.
«وتكەن جىلى جىبەكقۇرتتار بولدى. ءبىراق ولار وزدىگىنەن جويىلدى. بىلتىر جۇلدىزدى شىبىن توقىماشى باسىم بولدى. سوندىقتان بيىلعى بيۋدجەتتەن تەك «ەرتىس ورمانىنا» عانا قارجى ءبولىندى. ويتكەنى ول جەردە تاسپا شوققاراعاي سياقتى ەرەكشە اعاشتار بار»، - دەدى باسقارمادان. ورمانداعى سانيتارلىق ەرەجەلەرگە سايكەس ورماننىڭ اسا قاۋىپتى زيانكەستەرى مەن اۋرۋلارىنىڭ وشاقتارى 1000 گەكتاردان استام مەملەكەتتىك ورمان قورىنىڭ اۋماعىندا تارالعان جاعدايدا ولاردى جويۋ جونىندەگى ءىس-شارالاردى ورمان شارۋاشىلىعىنىڭ مامانداندىرىلعان ۇيىمى ۇيىمداستىرادى. رەسپۋبليكالىق بيۋدجەت قاراجاتى ەسەبىنەن ورماننىڭ زيانكەستەرى مەن اۋرۋلارىنا قارسى كۇرەس جۇرگىزىلەدى.
