جولاۋشى قۇقىعى: اۋە رەيسى كەشىكتىرىلگەندە قويىلاتىن تالاپتار

نۇر-سۇلتان. قازاقپارات - جازعى دەمالىس ماۋسىمى كەلىپ، جولاۋشىلاردىڭ ءجۇرىس- تۇرىسى كوبەيدى.

قازاقستاننىڭ ىشكى رەيستەرىندە دە، شەتەل باعىتتارىندا دا ساياحاتشىلار قاتارى قالىڭ. ماۋسىم باستالعالى جۇزدەگەن ءتۋريستىڭ ۇشاق كۇتىپ، اۋەجايدا ساعاتتاپ وتىرىپ قالعان جاعدايلارى دا بولدى.

وسى ورايدا، قازاقپارات «ەير استانا» كومپانياسىنا سىلتەمە جاساي وتىرىپ، اۋە رەيسى كەشىككەن جولاۋشىنىڭ قانداي قۇقىعى بارىن حابارلايدى.

ەگەر رەيستىڭ كەشىگۋ ۋاقىتى 2 ساعاتتان اسسا، وندا: - 2 رەت قوڭىراۋ جاسالادى نەمەسە ەلەكتروندى پوشتا ارقىلى 2 حات جولدانادى؛ - سۋسىن بەرىلەدى.

ال ەگەر ۇشاقتى 6 ساعاتتان استام كۇتۋگە ءماجبۇر بولساڭىز:

- كۇندىز ءار 6 ساعات سايىن، تۇندە ءار 8 ساعات سايىن ىستىق تاماق بەرىلەدى. تۇندە 6 ساعاتتان جانە كۇندىز 8 ساعاتتان اسسا: - قوناق ۇيگە ورنالاستىرادى.

- قوناق ۇيگە دەيىن جانە كەيىن ترانسفەر ۇيىمداستىرىلادى. «اۋەكومپانيا سەبەبىنەن كەشىككەن ءار ساعات ءۇشىن سەگمەنت قۇنىنىڭ %3 ى كولەمىندە وتەماقى تولەنۋى كەرەك. وتەماقى الۋ ءۇشىن help.airastana.com سايتىندا ءوتىنىش ءبىلدىرۋ قاجەت»، - دەپ مالىمدەدى كومپانيادان.

ايتا كەتسەك، بۇعان دەيىن كوميتەت بىرنەشە اۋە رەيسىنىڭ ءبىر تاۋلىككە دەيىن كەشىگۋ سەبەبىن ءتۇسىندىردى. ر

ەيسى كەشىككەن اۋە كومپانيالارىنىڭ جولاۋشىلارعا تولەيتىن ايىپپۇلى ۇلعايتىلاتىنى حابارلاندى. ەۋروپاعا جاڭا باعىتتار اشىلىپ، حالىقارالىق رەيس سانى اپتاسىنا 433-كە جەتەدى.

«الماتى - ميلان» باعىتىندا اپتاسىنا ەكى رەت اۆيارەيس قاتىنايدى. سونداي-اق، شىلدە ايىنان قازاقستان مەن گەرمانيا اراسىنداعى اۆيا رەيستەر ارتادى. سونىمەن قاتار، ق ر ق م مەملەكەتتىك كىرىستەر كوميتەتىنىڭ ءتۋريزمدى دامىتۋ ماقساتىنداعى «Tax Free» پيلوتتىق جوباسى تاعى ءبىر جىلعا سوزىلادى.