دانيار ەلەۋسىنوۆ كەلەسى جەكپە- جەگىن تەحاستا وتكىزەدى

None
None
نۇر- سۇلتان. قازاقپارات - قازاقستاندىق بوكسشى، IBO نۇسقاسى بويىنشا جارتىلاي ورتا سالماقتا الەم چەمپيونى دانيار ەلەۋسىنوۆ پەن ۋكراينالىق يۆان گولۋب اراسىنداعى جەكپە- جەكتىڭ قايدا وتەتىنى بەلگىلى بولدى، دەپ حابارلايدى قازاقپارات Sports.kz سايتىنا سىلتەمە جاساپ.

جارتىلاي ورتا سالماقتاعى تيتۋلدىق ەمەس كەزدەسۋ 25-ماۋسىم كۇنى تەحاس شتاتىنىڭ سان- انتونيوداعى Tech Port Arena ارەناسىندا وتەدى. 31 جاستاعى دانيار ەلەۋسىنوۆ 2016 -جىلعى وليمپيادادا التىن مەدال يەلەنگەن بولاتىن. كاسىبي مانسابىندا 11 ايقاستا جەڭىسكە جەتىپ، ونىڭ بەسەۋىن نوكاۋتپەن اياقتاعان ەدى. سوڭعى رەت قازاقستان وكىلى شارشى الاڭعا 2021 -جىلدىڭ جەلتوقسان ايىندا شىعىپ، ارگەنتينالىق حۋان ەرنان لەالدى جەڭگەن.

33 جاستاعى يۆان گولۋب رينگتە 21 جەكپە- جەك وتكىزىپ، 20 سىندا جەڭگەن بولاتىن. ونىڭ 15 ءىن نوكاۋتپەن ۇتقان. وتكەن جىلدىڭ تامىز ايىندا ول امەريكالىق ەريك ۋولكەردى جەڭىپ، USBA نۇسقاسى بويىنشا چەمپيوندىق بەلبەۋدى يەلەندى.

2017 -جىلى يۆان گولۋب ا ق ش- تىڭ سپورتشىسى دجامونتەي كلاركپەن بولعان ايقاستا ەسە جىبەرگەن بولاتىن. بۇل - ۋكراينالىقتىڭ جالعىز جەڭىلىسى.

اۆتور: اياۋلىم التىنبەك

سوڭعى جاڭالىقتار