اقوردا توقايەۆتىڭ رەسەي وردەنىن الۋدان باس تارتقانىن مالىمدەدى

None
None
نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ رەسەي بيلىگى ۇسىنعان وردەننەن باس تارتتى.

پرەزيدەنتتىڭ باسپا ءسوز حاتشىسى رۋسلان جەلدىباي توقايەۆتىڭ پرەزيدەنتتىك مەرزىمىندە وتاندىق جانە شەتەلدىك ناگرادالاردان باس تارتۋ تۋرالى شەشىم قابىلداعانىن ايتتى.

رۋسلان جەلدىباي Vlast.kz سايتىنا بەرگەن سۇحباتىندا توقايەۆ الەكساندر نيەۆسكي وردەنىن الۋدان باس تارتتى دەدى. ونىڭ سوزىنشە، كەلىسكەن جاعدايدا ماراپات 17- ماۋسىم كۇنى سانكت- پەتەربۋرگتەگى ەكونوميكالىق فورۋمدا بەرىلەر ەدى. بۇل فورۋمعا قازاقستان پرەزيدەنتى قاتىسىپ، ۋكراينانىڭ جىكشىل ايماقتارىن تاۋەلسىز ەل دەپ مويىندامايتىنىن ايتقان.

الەكساندر نيەۆسكي وردەنى شەتەل ساياساتكەرلەرىنە رەسەي فەدەراتسياسىمەن جان- جاقتى ارىپتەستىكتى دامىتۋداعى ۇلەسى جانە ونىڭ الەۋمەتتىك- ەكونوميكالىق دامۋىنا ىقپال ەتكەنى ءۇشىن بەرىلەدى.

باسپاءسوز حاتشىسىنىڭ سوزىنشە، مۇنىڭ الدىندا توقايەۆ قىرعىزستاندا I دەڭگەيلى «ماناس» وردەنىنەن دە باس تارتقان.


www.azattyq.org


سوڭعى جاڭالىقتار