قورعانىس ءمينيسترى اسكەرگە بارعىسى كەلمەيتىن جاستارعا سىن ايتتى

«كەز كەلگەن ازاماتتىڭ قاسيەتتى پارىزى - مەملەكەتتى قورعاۋ. ەر ازامات 18 جاسقا تولعاننان كەيىن اسكەري بورىشىن وتەۋى قاجەت. بۇل تالاپ مىندەتتەلمەيتىن جايتتار بار. مەرزىمىن كەيىنگە قالدىرۋ شەشىمىن جەرگىلىكتى اسكەري كوميسساريات قابىلدايدى. بىزدە جاستاردىڭ اسكەر قاتارىنان بوي تاسالاۋى وتە كوپ كەزدەسەدى. الايدا زاڭ بارىمىزگە ورتاق»، - دەدى ءمينيسترى ءماجىلىستىڭ كۋلۋارىندا.

ونىڭ ايتۋىنشا، ەگەر اسكەرگە جاسى تولعان ازاماتتىڭ قولىندا جوعارى وقۋ ورنىنا تۇسكەنى تۋرالى انىقتاما بولسا، بورىشىن وتەۋ مەرزىمى كەيىنگە قالادى.

«ەگەر جاس ازامات اتىنا اسكەرگە شاقىرتۋ قاعازى كەلسە، وقۋعا تۇسكەنى تۋرالى قۇجاتىن جەرگىلىكتى اسكەري باسقارۋ ورگاندارىنا ۋاقىتىندا بەرمەگەن دەگەن ءسوز. بار بولعانى وسى. ەگەر اسكەري بورىشتى كەيىنگە قالدىرۋعا قۇقىڭىز بولسا، ءتيىستى قۇجاتىڭىزدى وتكىزىڭىز. سونىڭ نەگىزىندە كەيىنگە قالاسىز. بالاڭىز جاس بولساڭىز دا، وقۋعا تۇسسەڭىز دە، وسىلاي ۋاقىتىندا قۇجات تاپسىرىڭىز. ءبىز قۇجاتتى ۋاقىتىندا بەرگەننىڭ ورنىندا قاشقاقتاپ ءجۇرىپ الامىز»، - دەدى رۋسلان جاقسىلىقوۆ.

سونداي- اق ول اسكەر قاتارىنا شاقىرۋشىلار تاراپىنان دا زاڭ بۇزۋ فاكتىسى بولۋى مۇمكىن ەكەنىن مويىندادى.

«مەن ونداي جايتتىڭ بولۋ مۇمكىندىگىن جوققا شىعارمايمىن. جاستاردان جوعارى وقۋ ورنىنا ءتۇسىپ، ۇ ب ت تاپسىرىپ، قۇجاتتارىن وقۋعا وتكىزىپ قويسا دا اسكەرگە شاقىرىلعانى تۋرالى وتىنىشتەر كوپ تۇسەدى. ويتكەنى ولار جەرگىلىكتى اسكەري باسقارما ورگاندارىنا ءتيىستى قۇجاتتاردى ۋاقىتىن وتكىزبەيدى. ءتيىستى انىقتاما بەرىڭىزدەر، ءبىز مەرزىمدى كەيىنگە شەگەرۋ مۇمكىندىگىن بەرەمىز»، - دەدى مينيستر.

ايتا كەتەيىك، بۇگىن قازاقستاندا «ايبىن» اسكەري- پاتريوتتىق جاستار جيىنى باستالدى.

اۆتور: ەسىمجان ناقتىباي