لوندوندا حالىق قىمباتشىلىققا قارسى شەرۋگە شىقتى

نۇر-سۇلتان.قازاقپارات - ۇلى بريتانيا استاناسى لوندوندا حالىق شەرۋگە شىقتى. شاھاردىڭ ورتالىق كوشەلەرىمەن ءجۇرىپ وتكەن تۇرعىندار ينفلياتسيانىڭ شارىقتاۋىنا نارازى.

اكسياعا قاتىسۋشىلار ۇكىمەتتىڭ ەكونوميكالىق ماسەلەلەردى شەشە الماي وتىرعانىنا اشىنادى. ولار بيلىكتەن جانارماي، ازىق- تۇلىك پەن ەلەكتر ەنەرگياسى باعالارىنىڭ وسۋىمەن كۇرەسىپ، الەۋمەتتىك قولداۋدى كۇشەيتۋدى تالاپ ەتتى. ينفلياتسيانىڭ شارىقتاۋى ەلدە پاندەميادان كەيىن ەكونوميكا جاندانىپ، تۇتىنۋشىلار سۇرانىسىنىڭ ارتۋىمەن باستالعان. ءبىراق الەمدەگى گەوساياسي تۇراقسىزدىقتان جاعداي شيەلەنىسىپ كەتتى.

فرەنسيس و`گرەيدي، كاسىپوداقتار كونگرەسىنىڭ باس حاتشىسى:

- ينفلياتسيانى جالاقىمەن بايلانىستىرۋ دۇرىس ەمەس. بۇل ماسەلە ەنەرگورەسۋرستاردىڭ قىمباتتاۋىنان تۋىنداعانىن ءبارى بىلەدى. وسىعان بايلانىستى ۇكىمەت حالىقتى قولداۋ شارالارىن كۇشەيتۋى كەرەك.

www.24.kz