ەۋروكوميسسيا ۋكرايناعا ە و- عا كانديدات مارتەبەسىن بەرۋدى ۇسىندى

بۇل ءوز كەزەگىندە ماسەلەنى ەۋروپالىق كەڭەس دەڭگەيىندە قاراستىرۋ الدىنداعى مىندەتتى رەسمي قادام. مۇنداي تۇجىرىمدى ەۋروپالىق كوميسسيا القاسى وتىرىسىنىڭ قورىتىندىسىن بايانداعان كوميسسيا ءتورايىمى ۋرسۋلا فون دەر ليايەن مالىمدەدى، دەپ حابارلايدى قازاقپارات ۋكرينفورمعا سىلتەمە جاساپ.

اگەنتتىك اقپاراتىنا سايكەس، ۋكراينانىڭ ە و مۇشەلىگىنە بەرگەن ءوتىنىشى ەۋروپالىق كوميسسيانىڭ ءتيىستى شەشىم قابىلداۋىنا سەبەپ بولىپ وتىر. سونىمەن قاتار، اتالعان ەل كوپەنگاگەن كريتەريلەرىندە كورسەتىلگەن دامىعان دەموكراتيالىق قوعام قالىپتاستىرۋ تالاپتارىن ورىنداۋعا نيەتتى. بۇدان بولەك بۇگىن ەۋروپالىق كوميسسيا ۋكراينا، مولدوۆا جانە گرۋزيانىڭ ە و مۇشەلىگىنە بەرگەن وتىنىشتەرىن قارادى. ەۋروپالىق كەڭەس ۋكرايناعا ە و- عا ۇمىتكەر مارتەبەسىن بەرۋ ماسەلەلەرىن 23-24 ماۋسىمدا تالقىلايدى. بۇعان دەيىن حابارلاعانىمىزداي، ەۋروپالىق كوميسسيا ۋكراينادان كەلگەن بوسقىنداردى ءوز اۋماعىندا قابىلداۋ ءۇشىن ەۋرووداققا مۇشە مەملەكەتتەرگە 3,5 ميلليارد ەۋرودان استام اۆانس تولەدى.